رد: آنا لو الزمان يقسى علي يزيدنيے تشجيع..
إيه .. من حقّك تحب ، واحد : جديد |
بس " قلبي " ... لا أشوفك ، تقْربه .
بنصحك .. . وأدري النصيحه ماتفيد :
يا تعمّر ( بيتك ) .. أو لا ، تخْربه !
ناوي تعشق ؟ عافيَه ، إعشِق بعيد ... .
صير ضِد القلب ، خُون | و| عذْربه .
الله يْهنّي ( سعيدة ) في ( سعيد ) ،
وكل عقرَب لدغتة . . من عقْربه !
لا تفكّر في إنكساري ... يا عنيد |
و " الكلآم " إن جاك ، لا تستغربه .
مستحيل ، تغيّر الأصل ، و تبيد
لو محيته . . أو نفضت الأتربه ،
صوتك إللي كان لي أيّام " عيد " ،
ما يأثّر .... في الخفوق ، ويطربه .
إنت خلّك .. في أحاسيسك بليد
( المَثَل ) في غير وقته : تضربه !
مو أكيد أنساك .. بس إن الأكيد :
كاس من إيدك ، بعد ~ ما أشربه !
جرّب إللي بخاطرك .. وإبقى وحيد ،
وطيح من عيني بعد هـ ( التجْربه ) .
|