[soma al7elwa]

روعة يا حلوتي ..

أول شي:
مين قلك انو كل مسيحي يعرف انو الاسلام هو الدين الحق وانو محمد هو الدين الحق وان العصاة لا تمثل الدين؟؟؟

وايش هو تعريفك للعصاة اللي مابيمثلوا الدين ؟؟؟ هل هم مرتكبين المعصية ؟؟ هو في مسلم مايرتكب معاصي؟؟؟

تاني شي:

ايش موقع الجملة دي من الاعراب .. ومين جاب سيرة جرائم اليهود سواء في العصور الوسطى او العصور الحالية او العصور الحجرية حتى؟؟

وأنا الي طول عمري اقراه واعرفه انو الحكم كان بيد الكنيسة المسيحية فالعصور الوسطى وليس اليهودية لكن ولايهمك حرجع اقرا وأدور

بس اساسا مو دا موضوعنا .. اصلا مين جاب سيرة محاربة الجرائم ومعاقبة المرتكبين ومحاسبتهم؟؟

ثاني شي لو في جريمة ممكن يحاسب عليها فهي جريمية اليهود في العصور الوسطى ابغاكي ترجعي وتقرائي في عصور اليهود وماذااا فعلوا باااهل اوربا كافة ومع هذا هم لحد الان لهم مكانة بها وهما سبب كره اوربا لاي دين موكلامي كلام الكتب والتاريخ

تالت شي:
ايش دخل ايش سوت الحكومة الأمريكية وليس الامريكيين -ياريت تفرقي بينهم - في العراق وافغانستان وفلسطين ؟؟

وليش تتكلمي كأنو امريكا والاسلام هما شيئين منفصلين او متعاديين ..

قلتلك

تبغي تعرفي ايش عملوا المسلمين في امريكا؟؟؟

وكنت أقصد الأمريكيين المسلمين و المسلمين المقيمين في امريكا من أي جنسية ولأي سبب كان ..

فايش العلاقة بين افعال الحكومة الأمريكية وهؤلاء؟؟؟؟

ورابع شي ...

في فرق بين الولولة والنحيب .. وبين الاعتراف .. وفرق شاسع جدا ..

هما ما وصلوا لمرحلة الفعل والتغيير في مجتمعهم إلا لو أنهم تجاوزوا مرحلة الاعتراف بالخطأ ..

خليل الله عليه الصلاة والسلام شاف الغلط وراح يدور بنفسه عن ربنا ..

ما جلس يولول ويتأسف وينتحب على قومه ..

وهذي وجهة نظرك ووجهة نظري اسئل الله ان يصلح حالنا في امر ديننا ودنيناااا واخرتنا في الامور كلها فرصة سعيدة بمناقشتك سكرااا

أحيي فيكي احترامك لاختلاف وجهات النظر ..
وآميييييييييين يارب ..

وانا اسعد ياعزيزتي
العفو
=)