[سكووت]

الصريحه الشواذ بدأو ينتشرون وبشكل كبير حتى في الاماكن العامه ..واحنا ساكتين مو كأنه اللي نشوفه مصيبه من مصايب الدهر.,,

ايش عرفك انهم شواذ ؟؟كل بنت قصت شعرها بوي ولاخرمت جسمها ولا نطت بحضن صحبتها صارت شاذة بنظركم ؟؟

والله احس انه بكره ربي بيسخط علينا ..زي ماسخط على قوم لوط.,, ولاتقولوا لي الموقف مختلف ..نفس الحركات وماخفي كان اعظم.,,

طبعا الموقف مختلف وبقوووة انتي تعرفي قوم لوط ايش كانو يعملو؟؟افتحي القران واقري ولاتقاااارني بنات الجامعة من مجرد شكل او اي حركة عفوية بين صحبتين ..

بوية تقص شعرها ولا تحط حلق وخرم الحواجب والشفايف ولا تصبغ ازرق ولا تحرقو دا جسمها حتى جسم البشر في دا البلد برضو حنتدخل فيه لا تقولو تقليد للغرب ترا كل شي منهم البنطلون اللي نلبسو منهم صبغات الشعر منهم تزيين الاظافر منهم اجل ايش نعمل نرجع للحنى ونعمل ظفيرتين زي رقية طاش ماطاش ؟؟ولا اصلا حتى طاش صار محرم لانعمل زيهم سوري

انا جتني فترة خرمت حواجبي بس شلتو دحين عشان مو لايق على رسمة الحواجب الجديدة
وايام المتوسط قصيت شعري بوي وكانت دوبها القصة بدت تطلع على ايامنا ودوبنا نعرف السبايكي

اهلا اختي.,,انا اتكلم عن ((لوطيين)) بكامل معنى الكلمه .., اتكلم عن بنت بتسوي علاقه مع بنت ..والكلام دا قدام عيوننا,, هذه بيئتنا لازم نحاول ننظفها من المناظر اللي ماتدل الا على تخلف ورجعيه .. حبيبتي اذا عادي عندك نقلب سنة الارض..وانك تشوفين هذه المناظر وانتي رايحه بهدف سامي.. هذا شئ ثاني.,,!! يعني عادي عندك ترسلين اختك الجامعه اول سنه وهيا ياحرام مسكينه وتوها خارجه من عالم مدرسي صغير..

لا ياشخية ؟؟وين بجامعتنا بعزوز ؟؟لوطيين بمعنى الكلمة ؟؟شفتي بعينك بنتين يعملو علاقة وقدام عينك ؟؟ايش كانو يعملو بالله بوسات ولا شي اكتر ؟؟وفين المكان الرومنسي دا بالجامعة ؟؟ ناديني اجيب البوب كورن واتفرج المرة الجاية معاكي .. يختي اطمنك جامعتنا ماتهيئ مافي جو مناسب يعني حتى اللي عاوز يعمل مش حيقدر هع...

نصحية لك دام عندك الحماسة اعملي لنا شي يفيد الجامعة بدل ماتضيعي وقتك وتتهمي البنات عشان مظهر خارجي..ناقشي وضع رابيس ولا المباني اللي تحزن ولا الاجرائات اللي تطول لاي معاملة
بالتوفيق ...

.((يا أيّها الذين آمنوا اجتنِبوا كثيراً مِن الظنِّ إنَّ بعْض الظنِّ إثمٌ )) [الحجرات:12 ]