[نجمة ليل]

أختي الفاضلة سكوت مع كل احترامي لكلامك بس انتي أكيد سمعتي عن حديث الرسول صلى الله عليه وسلم (لعن الله المتشبهين من الرجال بالنساء والمتشبهات من النساء بالرجال)
انت برأيك على ايش يحثنا هذا الحديث لا تجي تقوليلي اللي يسوو البويات مو تشبه مجرد حرية شخصية لا أبدا هما بتشبهو بالرجال مية بالمية وكل وحدة سوت زي دولا البنات حتنوصف بأوصاف هيا عارفتها اش حتكون هذي الأوصاف وأكيد حتكون راضيتها عن نفسها
لأنو دحين صار لها معنى
صحيح لمن انتي قصيتي القصة وحطيتي الحلق لسة ما كان لهم هذي المعاني انما كانت مجرد موضة تنتشر بس دحين صار لها أكثر من معنى وصحيح مو ضروري انو اللي زي كدة مو ضروري أنهم يكونو على علاقات ببنات بس طريقة لبسهم وحركاتهم أصبحت دلالة لكل انسان انهم شواذ (ومع ذالك ان بعض الظن اثم)
ياااااااااااا معشر البنات ترا كل بنت أحلى من الثانية خليكم على طبيعتكم لا تقصو شعوركم ترى شعر البنت تاج جمالها لا تخلو الناس يتهموكم باتهامات ما كنتو قاصدينها باللوك حقكم
وفعلا يا بنات لا تتهمو كل وحدة بهذا اللوك بالشذوذ
كانت في وحدة عندي بالمدرسة الله يهديها ويستر عليها صارت تسوي زي هذا اللوك المسمى بالبوي وصارو البنات زي المجانين عليها كانها رجال اللي تجبها وردة واللي تجبلها بطاقة شحن عشان تسمع صوتها وغير كدة
وعدت الأيام ولا وحدة من صحباتي شافتها بالصدفة بمكان برة المدرسة يعني
قالتلي والله انها ترفس القمر وتقعد مكانو اش النعومة بالصوت والمكياج الناعم والشباصة اللميعة على الراس كل هاذا عكس لوكها لمن تجي على المدرسة
بس بعد ايش للاسف هيا بنت حلوة بس سمعتها صارت انها بوية وهذا المقصد من محاربتنا لهذي الموضة عشان ما تجيب البنت سمعة مو طيبة عليها صح ولا أنا غلطانة
واتبعو حديث الرسول صلى الله عليه وسلم ولا تغضبي ربك بشئ ترى الدنيا فانية حنجي يوم القيامة ندور على الحسنات بس حطو هذا اليوم بمخيلاتكم وقدام عيونك وانو الدنيا فاااااااااااااااااااااااااااااااانية والاخرة دار البقاء اما الجنة او النار وربي يجعل جميع المؤمنين والمؤمنات في دار النعيم