[BoBy]

المشاركة الأصلية كتبت بواسطة راجية الجنان السلام عليكم ورحمة الله وبركاته حبيباتي ابغى استفيد من خبرتكم في المواد الي حاخدها بإذن الله هذا الترم من ناحية افضل الاساتذة محاسبة زكوية محاسبة منشأت محاسبة إدارية محاسبة مالية متفدمه 1 محاسبة ضريبية مراجعه 2 وجزاكم الله كل خير

زكويه و مالية وضريبية انا زيك لسه ما اخذتها
بس اللي سمعتوا من البنات في ضريبية انو حمديه احسن وحده

والمواد اللي اخذتها
منشآت >>> سحر جبروني وبصراحه مادة منشآت مادة مره حلوه صح قيود كتير بس الماده نفسها تنحب وكمان مع سحر لانها معروفه اسئلتها كوبي بيست
فأنا انصحكم في سحر
ادارية >>> رغداء
كانت تنزل المحاضرات وكويسه من كلو شرح اسئلة واجبات اخلاق
بس الشي الوحيد انو هاديه وصوتها واطي
مراجعة2>>> انا اخذتها مع سحر عشان صيفي وكانت اول مره تمسك المادة
وبصراحه مش ولا بد هي والله بذلت جهد كانت تشرح مع انو نظري والمحاضرات بعضها نكتب وبعضها تصورلنا وحتى في النهائي ساعدتنا الله يسعدها وحذفت بعض الاشياء
بس هو العله كانت في اسئلة الاختبار وسؤالها اللي ما رضيت تتنازل عنو
عددي واللي كان مطلع عيوننا ان مو واحد ولا اتنين لا(( عشرة فقرات))
فبصراحة هذا اللي كان مخلينا ننسى من كترها
هي شريفه اللي احسن وحده تعطي مواد المراجعه بس ما حتمسكها دا الترم
صفيه اللي حتمسك بس بما انها المادة نظري يعني تعتمد على حفظكم وانشاءالله تمشو فيها