[Alaa Al ghamdi]

المشاركة الأصلية كتبت بواسطة ناروتو naroto السلام عليكم ورحمة الله وبركاته.. صبحكم الله بالخير .. دوبني جيه من الجامعهـ وقعت ورقة التعهــد .. وأستفسرت من دكتوره آمال وكيلة الكليه .. تقول أولا انو الخطه الجديده لكم يا دفعة 2010 حيكون من المستوى الثالث إلى المستوى الخامس نفس المواد لكل التخصصات ..يعني ما فرقت .. تقول أهم شيء دحيين انو ينزل لك جدول .. تانيا بعد ما ينزلوا للكل جداول ..بيعملوا فرز على حسب الطلبات اللي في ورقة التعهد .. وعشان ما يكون في ظلم بيمشوا بالمعدلات .. وبعدين يكتبوا لنا التخصص .. طبعا الصوره للآن مو واضحه مره لأنو هما كمان تعبانين من دي الهرجه ..لكن ان شاء الله كل شي تمام وقالت يابنااااااااااااااااااااااااااااااااات ما تحذفوا ماده او تضيفوا شيء انتبهوااااااااااااااااا ..بس بإمكانكم تغيروا المواعيد والشعب اللي تناسبكم .. اعيد واكرر لا تحذفوا وتضيفوا مواد فققققققققققققققققط تغير مواعيد وشعب الاساتذه حبيت افيدكم والله على ما أقول شهيد ..إن شاء الله ما أكون أخطئت في شيء دعواتكم يالحلوين ...

قصدها انو نرتب الجدول اللي ينزلنا ونداوم عليه؟
يعني لو تغير التخصص في الاودس الجدول هو نفسو ماحيتغير؟