[بطووووطه]

.
.


العربي٢ = فوزية العتيبي
الثقافة ٣ = نسرين حمادي
إدارة موارد١ = سلوى الغامدي
علم النفس = هيفاء هزازي
الأدوات المنزلية = نسرين بامشموس

في الأول .. حاولي مراجعة الشؤون التعليمية للكلية في مبنى ٤٣ الدور الأول .. و قوليلهم انك تبغي طفولة .. خصوصا لو معدلك حلو احتمال ينقلوكي ..
أو لو تفكري ع الترم الجاي تنقلي .. أنصحك تاخدي مواد عامة للكلية دا الترم .. يعني ( عربي / ثقافة / أسس تغذية أو صحة فرد / علم نفس ) و تجيبي معدل حلو و تنقلي ع الترم الجاي ..

الموهيم .. لو اقتنعتي بإدارة السكن و المؤسسات..
زيدي ماده على جدولك دا .. لأنو عربي٢ و إدارة موارد مراااا سهله و تحسي انك رايحه تغيري جو لا اكتر ..
الثقافة٣ أسهل ثقافة عن الزواج و الطلاق و المجتمع و خصوصا مع د.نسرين حمادي .. تروحي تفطسي ضحك و ترجعي ..
علم النفس .. كلامو حلو .. شويه ملل بس ماشي يعني ..
الأدوات و الأجهزة .. خديه مع نسرين .. لو اخدتيه مع نجلاء من دحين اقولك طلباتها كتير .. و كل شي تبغاه على باور بوينت و بعد كدا تبغاكي تطببببعي كل الباور .. يعني افتحي مكتبة من دحين <.<

زيدي ( صحة فرد أو أسس تغذية ) تغذية مع منى سامي خليل افضل ..
المادتين يبغالها مذاكرة .. فأحسن لك تدرسي وحدة منهم بدل لا يكون الترم الجاي ضغط عليكي .. و كمان في بداية الدراسة تكوني مهتمة و متحمسة و كدا و يهمك المعدل الحلو ..
و بالتوفيق يارب ..

.
.