ايوا انا زيك اللحين أخذت علم نفس اجتماعي واسلوب وتحليل النصوص وعربي وثقافه
ايوا حبيبتي فهمت عليكي كووويس اجل
ومبرووك مقدما للتخرج 
طيب سمعت انو لو تاخذي اقل من 12 ساعه تنقطع المكافأه صحيح ؟
|
طيب مرررررررره حلو
وربي يبارك فيكي
انتي بس ادعيلي ان اللخبطه تتزبط
وانا ابغى اقولك من وحده لها 4 سنين في الجامعه
ترا المكافأه حتنقطع في حالة:
اذا سويتي مشكله لا قدر الله وعملولك مجلس تأديبي
اذا نزل معدلك عن 2
اذا خلصت مدة الدراسه
يعني لو زدتي عن 4 سنين ولو بترم حتنقطع المكافأه زي حالتي
اذا اعتذرتي عن ترم
اما غير كذا مايقطعوا المكافأه
انا اول مادخلت اعلام كانت الشعب كلها فل وماقدرت اضيف الا 11 ساعه
وفيه بنات كان عندهم بس 8 ساعات
وكان الوضع تمام من ناحية المكافأت
وترا في قسم الاعلام دايما بتواجهنا هدي المشكله
اننا مابنمشي مع الخطه
بسبب ان الماده لها شعبه وحده بس ودكتوره وحده بس
عشان كذا مو كل البنات اللي في نفس المستوى بياخدوا المواد الموجوده في نفس المستوى
وبالتالي يتأخر تخرجهم زي حلاتي برضوا
على العموم ربي يوفقك
وإن شاء الله تحولي قسمنا وتكون فاتحة خير لكي