[القمر الحلوه]

هاي بنات
ان شاء الله الموضوع يكون هنا مكانو لاني ماني عارفه فين احطو
مين راح الجامعه اليوم مبنى 6 غرفه634
وتبغى تحول من شعب لشعب
رضيولك ولالاء
انا خلصت التحضيري والمواد اللي نزلتلي مواد اقتصاد ومقدر احزف واضيف من النت لازم من عندهم << زي منتو عارفين طبعن المهم انا
حموت من القهر لاني روحت اليوم على امل اني احول لدكاتره افضل من اللي منزليني هما
وجيت وقفت عند الباب مقفل استنيت تلت ساعه وجات حرمه وشكلو هيا د/حاجه الامام المهم دخلنا وقلتلها بحول شعبي
قالتلي عبي الاوراق وكتبت كل شي وكل شويا اتأكد عشان لايطلع خطا ومرا انبسط لاني ححول
بعد شويا د/حاجه قالتلي مو انا اللي اضيف استني شويا وحده دحين تجي اسمها هاله العطاس على ماظن
المهم استنيتها وبرضو على امل اني احول
وشويا وشرفت جات فسخت العبايه وراحت مرا تانيه وغابت يمكن 10 دقايق
المهم برضو صبرت وقلت في صالحي
وبعدين شرفت مرا تانيه ودكتوره حاجه قالتلها انو انا ابغى احول لشعب
الا قالت مافي تحويل شعب بس تضيفي مواد
الا حاجه الامام قالت انتظري ربع ساعه وتعالي
وخرجت ود/حاجه الامام قفلت الباب سكت وقلت يلا مشي حالك
المهم بعد شويا فكت الباب دي هاله وقالت تعالي روحتلها ومبسوووطه << يافرحه ماتمت
وقالت دوبو جاني خبر انو ممنوع تحويل شعب بعد نزول الاساتزه بس اضافه مواد وحطت اوراقي على جنب وادتني ظهرها انا صراحه فوجئئئت وانصدمتتت وقلتلها تيب انا بحول الشعب عشان الدكاتره الكويسين كيف تقولي لاء تقولي كدا النظام<< وربي وقتها كان نفسي انفجر عليها اخلاقي وصلت وسحبت نفسي
ماعرفت ايش اسوي بس رجعت البيت ابكي
معليش طولت عليكم بس حبيت اقولكم بالتفصيل الممل
المهم دحين ابغى اعرف كلامها صح ولا هيا صرفتني وهل في احد راح اليوم وحول لشعب عادي
الله يوفقكم ردو عليا اروحلها السبت ؟؟ ولا ايش الحكايه
وحاجه كمان الفيزيا رحت سالت الشؤؤن التعليميه قالتلي السبت حتنزل شعب جديده مدري صادقه ولاتبكش