مشاركة: تخرجت من جامعة الملك عبدالعزيز -ولكني غير سعيد بشهادة الانتساب
مرحبا جميعا
انا مانى عارف ليش الكل حاط نقره من كلمة انتساب
اول شي يا خي الفاضل مبروك عليك التخرج
وثاني شي انت عارف من وقت مادخلت الجامعه انه شهادتك راح يكون مكتوب فيها انتساب يعنى ماكتبت لك بالصدفة او الغلط
وثالثا انا اخوي متخرج العام الماضي انتساب وهو الآن في كندا يدرس ماستر ما قالوله انت انتساب اقعد ما نبتعثك
وبعدين اللى يشوف اكتئابكم من كلمة انتساب والله مايقول الا اعطوك شهادة من معهد التدريب المهني قسم سباكه !!!
انا مااحتقر اي درجه علميه كانت بس تراكم مهولين الموضوع مررره
وازيدك من الشعر بيت واحد من الشباب اتخرج قبل سنه انتساب إدارة اعمال - تسويق
وشوفه موظف بالبنك الاهلي من احسن مايكون وراتبه تمام التمام ماقالوا له انت انتساب
عموما الله يوفقك وقول الحمد لله على كل حال
ولا تزعلوا من ردي
التعديل الأخير تم بواسطة حماده909 ; 08-09-2008 الساعة 03:54 AM.
|