[فرحة]

السلام عليكم
انا طالبه سنه ثانيه
الحمدلله انتهيت من السنه التحضيريه
وسجلت لغة عربيه مع اني ما احب القسم دا كثير
لكن قالولي اني ممكن اسجل بأي قسم وبعدها احول على القسم الي انا ابغاه
بصراحه مجموعي ما يسمحلي اني ادخل القسم الي ابغاه وهو علم نفس
فسجلت لغة عربيه في موضوع مثبت في القسم هنا مكتوب فيه انو فيه بعض المواد
موجوده في كل الاقسام يجب على الطالب دراستها مهما كان قسمه
مثل ارعه مستويات لماده الدين
بس كنت ابغا اعرف هل فعلا ممكن احول من قسم اللغة العربيه لقسم علم النفس بعد ما اخلص الترم هذا او لازم اخلص السنه كلها ؟
وهل ممكن احد يقولي هل ممكن اني اختار المواد الي هي مشتركه في كل الاقسام اقصد المواد الي يجب على طلاب جميع الاقسام دراستها مهما كان قسم الطالب
عشان فكرت اذا عملت كدا وجيت بعدين احول الي علم نفس فحيكون احسن لاني حكون خلصت مواد مشتركه بين قسم العربي وعلم النفس
ياريت تقولولي كمان ايش شروط التحويل من القسم هنا الي قسم علم النفس ؟

اخيرا انا مجموعي كان 2,62
والي نزل مجموعي هو وجود مواد علميه وانا كنت ادبي ولقيت صعوبه شديده في اجتياز المواد العليمه
كمان السبب اني ابغا احول الي علم نفس هو اني قبل فتره وصلني ايميل انو في ليا اثنين من صحباتي متخرجين من قسم العربي وما لقيو وظيفه وانا ام وبتعب كثير في الدراسه وما ابغا اتعب وفي النهايه ما الاقي وظيفه ياريت تفيدوني وسامحوني لاني كثرت اسئله عليكم