رد: مشورة من اهل الخبره في مستقبلي!
شوفي ..... تخصص تقنيات التعليم حلو.. وفيه مجال للابتكار واسع جدا جداً........ ولكن لو فكرنا فيها بالمنطق ، أكثر تخصص تربوي عليه ازدحام من المتقدمين ... وبرضو لا تنسين ان الافضليه تكون لخريجي الحاسب الالي... وانتي مع الاسف الشديد تخصصك مش حاسب الي في البكالوريوس.... وبرضو ما اعتقد ان عندك خبرة كافية تقدرين تعتمدين عليها بشكل كبير عند التقديم والمفاضلة.
عشان كذا ، أنا لو منك استبعد تقنيات التعليم من الخطة .... يبقى توجيه وارشاد ، والادارة التربوية ....... انا بصراحة ما عندي أي خلفيه عن المجال التربوي بشكل عام... ولا اقدر اقول لك اذا التوجيه افضل من الادارة التربوية أو العكس..... بس انا نصحت بالتوجيه والارشاد بناءاً على الكلام اللي قاله اخوي فواز.... وبرضو لوجود الرغبة المبدئية من ناحيتك ( على حسب ما فهمت من ردك عليه).
بأختصار شديد ... الشخص لما يقرر يدرس ماجستير ، القرار راح يكون بناءاً على نقطتين:
إما : عندك وظيفة حالياً .. ومبسوطة في المجال اللي تشتغلين فيه... وحابة تكملين دراستك بتخصص يناسب نفس مجالك.
أو: ما يكون عندك وظيفة أساساً ... وتدرسي حاجه تناسبك وممكن تبدعين فيها... وعلى أساسها تدوري وظيفة مستقبلاً تناسب مجال دراستك العليا.... وأن ما حصلتي ، ممكن تكملي دكتوراه.
أعطيك مثال على نفسي ، انا قدمت على ادارة اعمال تنفيذي بجدة... مع أن القصيم أقرب لي بحكم المسافة.... ولكن ليش اخترت جدة؟ ... لانهم يقبلون طلاب أكثر بجدة... يعني راح يكون عندي فرصة أكبر بالقبول .... والحمد لله انقبلت.
الانسان بالنهاية وده بأشياء... ولكن الواقع يخليه يتجه اتجاه اخر... ولكن حلو نكون "وسطيين"... حاجه ممكن ندرسها ونتقبلها... وبرضو فيه احتمالية ننقبل فيها .
بالتوفيق ان شاء الله
|