[really nice]

السلام عليكم ورحمة الله وبركاته


أنا قسمي [علم المعلومات]
و حالياً أدرس مادة [مناهج البحث في علم المعلومات]

والدكتورة إلا تدرسني طلبت من كل طالبة إنها تسوي بحث
وطبعاً أول شي في عمل البحث هو اختيار عنوانه
والمشكلة عندي في [اختيار العنوان]
ملاحظة مهمة: لا تدوني روابط لشرح كيفية عمل البحث العلمي
لأني بحثت في النت عنها وعارفتها

لكن بحكم إني أول مرة أسوي بحث علمي >>> تقريباً مثل رسالة الماجستير
فمني عارفة أختار العنوان المناسب

وأباكم تساعدوني مبدئياً في اختيار العنوان
يعني ممكن أحتاجكم بعدين في أشياء تانية >>> لا تبعدوا عني لأني مالي أحد غيركم بعد الله يساعدني


والدكتورة أعطتنا محاور تساعدنا في اختيار العنوان وهي كالتالي:
1/تكنولوجيا المعلومات.
2/مصادر المعلومات.
3/خدمات المعلومات.
4/مؤسسات المعلومات.
5/العمليات الفنية.
6/المستفيدين.
7/الإدارة.


طيب لو فرضاً أنا أخترت محور [خدمات المعلومات]
لازم أتخصص في هذا المحور >>> زي ما قالت الدكتورة
يعني ما يسير أتكلم عن الخدمات بشكل عام

يعني مثلاً أختار [أي خدمة من خدمات الإحاطة الجارية]
وطبعاً الموضوع أو العنوان إلا رح أختاره لازم يكون عبارة عن مشكلة أو ظاهرة في المجمتع
فلو افترضنا إني أخترت [خدمة الإحاطة الجارية]
إيش هيا المشكلة أو الظاهرة بالنسبة لهذه الخدمة
>>> هنا تكمن مشكلتي

أتمنى تكونوا فهمتوا قصدي وتساعدوني