رساله عاجله جدا الى كل من رئيس القسم وعميد الكليه ومدير الجامعه
السلام عليكم ورحمة الله وبركاته
مقارنه بسيطه مع جامعة الملك فيصل انتساب من كلام احد الاخوان منتسب لغه انجليزيه مستوى ثالث
كنت افتخر بجامعتنا الغاليه وقسمنا الغالي ولكن انصدمت بعد ما عرفت الخدمات المقدمه لطالب الانتساب هناك وما يعانيه طالب الانتساب هنا .
1- نزلت مقرراتهم مبسطه جدا ونزلت لطلاب الانتساب وليس تعليم عن بعد محاضرات على الانترنت من ثاني يوم دراسه . \ وعندنا الله المستعان باقي الى الان ما نعرف غير اسامي الكتب ولا توفرت عند المكتبات .
2 - امكانية الطالب المنتسب التواصل مع الدكتور في اي وقت بعدة وسائل اتصال حقيقيه حتى جوال الدكتور \ وعندنا تحويلة الدكتور المسجله في موقع الكليه ديكور بس .
3 - اختبارات في جميع المناطق بدون دفع فلوس \ وعندنا مافيه الا قوة مرمطه في جده ايجارات وليموزينات وغيرها من المصاريف اللي تقصم الظهر .
4 - اختبارات مبسطه جدا ولا تخرج عن محاضرات الدكتور اللي في الموقع \ وعندنا كثير من دكاترتنا الافاضل يستعرضون عضلاتهم في الاسئله ويحاولون يكونون اللي ما احد قدهم .
5 - الرسوم عندهم بالساعه . يعني الساعه ب 160 ريال 9 ساعات ب 1440 ماهو 3000 ريال للصيفي مثلنا .
اتمنى تستفيد جامعتنا الغاليه من الجامعات اللي احدث منها في الامور هذي .
ويراعون الطلاب المنتسبين مثل الاخوان هناك لأن وضعنا للاسف مزري للغايه
شوفوا كم مر من الوقت من يوم بداية الدراسه ولا فيه اي ترتيب والدوره التأهيليه قبل الاختبار بشهر فقط . يعني ننتظر سعادة الدكتور الين وقت الدوره عشان يعلمنا وش اعتمد من المقررات وبعدها يحط اصعب اسئله والله المستعان .
|