العتيني بما انك هـــلالي فأكيد لك تعامل خاص
وبما أنك هـــلالي أكيد أنك صاحب فكر عـــالي
شوف يالعتيني لازم تتعب شوي في الترجمه لانك في مرحله لازم تقوي فيها حصيلتك اللغويه وحتى يصير عندك مفردات كثيره . ومايهمك في الفصل الأول راح تترجم 150 كلمه في الفصل الثاني ستقل الى 110 كلمه وفي الثالث الى 90 وفي الرابع الى 70 وفي الخامس الى 50 وفي السادس وهكذاااااا
حتى ولو ان المواضيع مختلفه راح تقل عدد الكلمات اللي بترجمها
تصدق عاد انا عندي note book من اول يوم دخلت الجامعه وبديت اذاكر كنت اسجل فيه الكلمات اللي ما أعرفها ومعانيها ونوعها من حيث انها فعل او اسم او صفه وفي الجهه المقابله اكتب جمله عنها (حتى اعرف طريقة الأستخدام )
المهم قبل كم يوم قريت اول اربع صفحات من المذكره والله جلست اظحكــ ... لأنها اصبحت بدائيه جدا بالنسبه لي ... ولكن حسيت اني تعلمت وصارت مثل هالكلمات ولا شيء بالنسبه لي ... ومن هذا المنطلق انا اقووولك اتعب على نفسك الان وأسس قواعدك صح لأن ماراح تجيك فرصه مثل هذي .. لان مواد المستوى الثالث والرابع تعتبر general english ومن بعدها راح تدرس لغه تخصصيه ياأما في اللغويات والا في الأدب .. وانت تحتاج في حياتك اليوميه وفي المحادثات الى الأنجليزيه العامه . فشد حيلك وأتعب على نفسك زياده.. وأستمتع في المذاكره لان كل كلمه راح تفضها راح تزيد من معرفتك وراح تقوي من لغتك
اولا بالقراءه والترجمه للفصل الأول .. ثم اعد قراءة الفصل ومحاولة حفظ الكلمات .. وهكذا مع كل فصل .. ولما تبدأ مرحله المراجعه قم بمراجعة حفظك للكلمات واي كلمه نسيتها حددها بالفسفوري .. ثم اعد مراجعة الكلمات واي كلمه نسيتها وتحس انها مو راضيه تمشي معك حددها باللون الأحمر .. ولو صادفت ان جاتك كلمه من الكلمات اللي مو راضيه تمشيء معك وانت محددها بالأحمر راح تتذكرها في الأختبار بكل سهووووله ..
بالنسبه للاختبار فسيكون قطعه وعليها أسأله .. وهذي الأسأله تختبر فهمك للقطعه وأكيد ماراح تفهم القطعه الا وأنت عارف معاني الكلمات ..
وفيه سؤال عن معاني الكلمات يعني يجيبلك كلمات ومعانيها بالأنجليزي وأكيد انك ماراح تعرف المعنى بالأنجليزي الا وأنت عارف معناه بالعربي
وبما أنك في المستوى الثالث راح اعطيك نصيحه لك ولزملائك وللزمن ..
متعلمين اللغه الأنجليزيه ينقسمون لقسمين .
قسم يفهم المحادثات ويفهم الكلام المكتوب والمسموع ولكن مايعرف يتكلم أو مايعرف يركب كلام
و
قسم يفهم المحادثات ويفهم الكلام المكتوب والمسموع ويعرف يتحدث ويرتب الكلام وماعنده مشكله
الفرق هــو
القسم الأول يحفظ ان معنى minority => أقليه و معنى traits=> طبائع او صفات
القسم الثاني يحفظ ان معنى أقليه =>minority ومعنى طبائع او صفات => traits
ولهذا السبب القسم الثاني يستحضر الكلمات بشكل اسرع وبسهوله
شد حيلك وفالك التوفيق يارب
وأتوقع انك متوتر حتى وتنتهي مباراة الأياب مع الفريق الأيراني <== ذابحه التفكير في الهلال