[سكون الورد k.a.u]

اخووووي دماااااااار ...

انا اولاً لي تعليق على الاحباااط اللي بنكك ؟؟ انت المفروض اعماااااااااار ... بنااااااااااء ... طمووووووح .... الخ

لان نظرتك واقعيه وحالمه وطموحه ...

انت ودك تتعلم وتتنور بالعلم .. لكن مبلغ 6000 بالسنه هو حائط الصد مابينك وبين رغبتك ..

وحنا مثلك ..

لاتتوقع اننا احسن منك حال ...

انا اتكلم عن الكل دون استثناء ... !!!

يعني لو تجون نحسبهاااا ...

6000 + تذاكر طيران +مصاريف الدورة التأهيليه + مصاريف المعيشه في جدهـ في وقت الاختبارات + آجرة مواصلات + هم + غم + شهادة غير معترف بها الا بعد مايتوظف آخر شخص منتظم ...

>> يعني الى يوم الدين ...!!!


هذا بالنسبه لنا حنا اللي من خارج جدهـ ...

وقس على ذلك اللي في جدهـ ...


يعني دولتنا غنيه مثل مااتفضلت انت ... وباقي الاعضاء ...

لما نروح نرسل مساعدات لباكستان ... والانهيارات والفيضانات اللي الله ابتلاهم فيها تطلع على جلودنا حنااااا ...

وحنا شعب ابومتعب فينا الغني والفقير والمحتاج والملهوف واللي مو لاقي عشاهـ واللي ساكن تحت الكبري له 30 سنه هو وعائلته في حائل (الكل يدري بسالفة هالرجل غير اهل الخير افزعوا له هو وبناته وحريمه) ..

لما نروح نبني سد بوسط بحر اندونيسيا ... واعصار وفيضان تسونامي اللي الله سبحانه سلطه على السحره والمشعوذين هناك .. نبني لهم سد على حسابنا ... !!!


وحنا شعب ابو متعب .. ماكلين هواااا كثيييييييييير مننا مايقدر يغطي على مصاريفه الشهريه ..

يستلم راتبه في 25 الشهر ... مايجي 30 في الشهر الا ومامعه شي يعيش به الشهر الجاي الى موعد الراتب التالي ..


لما نروح نبني جامعة في لبنان عشان يتعلمون عيال لبنان ... !!!!!!!!!!!!!!!!!!!!!!!

وحنا شعب ابو متعب اللي خيرنا لبرااااا اللي فلوسنا مغطيه اهل الارض اللي حنا اكبر دولة منتجه للنفط اللي حنا من الدول المسؤوله والمهمه والرائده في العالم ...

ياالله يالله قاعده تقبلنا الجامعات ولااااااا تفرض علينا مبالغها العاليه المبالغ فيها .. وتفرض علينا قوانينها المجحفه وتكسر فينا 24 ساعه ...

نخاااف من كل يوم تطلع عليه الشمس في جامعة عبدالعزيز .. لاننا نعلم انه في كل يوم راح يكون فيه قرار جديد ..

وفكره واهيه جديده .. واجحاف في حقوقنا مستمر ..

وقس على ذلك امور كثيييييييييييييييييييييره ..

يصعب علي كتابتها هنا لان الحديث راح يطول .. وانا ابي اترك المجال لغيري ..

لكني انا معك ومع اي احد يقول لا لقوانين الجامعه المجحفه ..

توكل على الله وحنا معك .. لكن لايصير اي شي الا وحنا متفقين عليه ولازم نكون قروب واحد ولازم نطلق اسم على قروبنا ونتعاون في كتابة الخطاب ... راح ننزل موضوع فيه اقتراحات للخطاب اللي نبي نرسله .. تصاعديااااا لـ ؟؟

لـ (مدير جامعة عبدالعزيز) >>> لايجوز ان نتعدى ادارته !!!

لـ السلطة الرابعه (الصحـافه) ...>> خطوهـ هامه لابد منهااااا

لـ (امارة منطقة مكه المكرمه) (الامير / خالد الفيصل) >>> باقي الامارات مالها شغل ... حنا لازم نرسل على الامارهـ اللي فيها الجامعه !!!

لـ (وزير التعليم العالي)

لـ (ديوان المظالم)

لـ (منظمة حقوق الانسان) >>> خطوهـ خطيييييييييييره وفعاله ومهمه جداااا

لـ (خادم الحرمين الشريفين ) >>> الامل بالله عزوجل ثم فيه



يتضمن ارقامنا الجامعيه ... يجب ان نكون متحدين ومجتمعين في خطاب واحد ..

اما ان كل واحد يرسل من جنب وطرف ؟؟؟؟!!!! ماينفع وراح نكون من اللي يسوون بلبله .. ويصير الحق علينا مو لنا !!!!

يجب ان تكون خطواتنا مدروسه ... ومانتخذ اي خطوه الا والكل ابدى فيها رأي ...جدير بالاهتمام ...

لكن عشان مايتم رفض طلبناااا ...

هو انه مانطلب الاعفاء لكل الانتساب .. لااااااا لاننسى انه في مننا منقطع عن الدراسه له سنين وفي مننا مفصول من جامعات اخرى وفي مننا مايهتم بالدراسه ... الخ

لازم نطالب بإعفاء الطلبه اللي معدلهم عالي خلنا نقول من 3 وانت طالع ... لان اغلب شروط الجامعات اللي معدلها من 5 ... هي 3 ..

يعني بالنسبه للتحويل لانتظام ... يقولك لازم معدلك يكون لايقل عن 3

بالنسبه للتخصصات .. اغلبها انه يتعدى 3 ...

عشان كذا خلينا ناخذ هالرقم المُسَلَم به في جميع الجامعات ... (وجهة نظري) ^_^

دمتم بود