[نضال]

اتنين مخهم طاير ما ينفع ..

لازم واحد عاقل و التانيه مخها طاير


او واحد مخه طاير و التانيه عاقله


غير كدا تحصل انواع المشاكل

طيب خدوا دي القصة


واحد اتضارب مع حرمته ,, الزوجة طلبت الطلاق .. و بعد روحة و جية اصرت البنت على الطلاق


قال لها انا موافق

دخل المكتب و كتب لها ورقتها

قبل ما يسلمها الورقة قال لها عندي شرط !!

ايش شرطك يا ابو فلان ؟؟

شرطي ما تطلعي من البيت لين تخلصي العدة .. و بعد العدة تقدري تفتحي الورقة ..

يعني ما تقري اللي في الورقة الا بعد ما تخلصي عدتك ...

حاولت الزوجة تخليه يغير رائيه ,,, قدم اخر ... ما رضي


وافقت تحت اصراره

عدت الايام

الاسابيع

بدات تحس بالندم


صارت تنتظر اوقات دخوله البيت حتى تحسسه بوجودها

ما نفع معاه "" مسوي تقيل""

اخر شي قررت انها تعبر له عن ندمها على قرارها الخاطيء

دقت الباب عليه ..

قال لها ايش تبغي؟

قالت ابغى اكلمك

قال لها انتي منتي زوجتي و حرام اتكلم معاكي

بدات بالبكى

صارت تقوله انا ما قصدت .. و اتسرعت , و ياليت يرجع الزمن حتى ما يحصل اللي حصل


بعد ما اتاكد الزوج من ندمها .. قال لها جيبي الظرف اللي كتبت فيه طلاقك

جابت الظرف و فتحته

تدروا ايش اللي كان مكتوب في الورقة ؟؟؟؟


كان مكتوب :

انا فلان بن فلان .. بكامل قواي العقلية و ارادتي

اقسم بالله اني احب فلانه بنت فلانه و ساظل متمسك بها لاخر يوم من عمري و الله على ما اقول شهيد !

وقتها

زوجته ما قدرت تعمل شي غير انها تجهش بالبكاء و ترمي نفسها لاحضان زوجها

"" ترى شوية و اطقها لكم بكوة هنا """

اوقات الصبر و شوية تفكير و دهاء تعمل العجايب في الحياة