رد: ازمة الكفتريات في شطر الطالبات
بنـــــــــــات كلنا مو عاجبتنا الكفتريات
الأكل يارب لك الحمد
المكان وسخ والريحة تقرف في رابيس
والله أكثر من مره اخد البيتزا ولا الكروسون عجيـــــــــــنة!!!
مستعجلين مايمديهم ينضجوها كويس
وكمان المكان ضيق وزحمة
والعاملات أبدا مايكفون وهذا الترم بزيادة
والكاشير بــس وحده!!!
بالله جامعة طول وعرض وما أعرف كم بنت فيها
والكفتريات كلهم مايزيدو عن الــستة
يعني الكاشيرات سته
وهما مايهمهم كثير أهم شيء كم يطلعون وبس
وزياااااااده الأسعار موية أبو نص بريال؟
والبيتزا ناااااشفة ب3 ريال
والله اخدها بيتزا بالمرتدلا وطعمها يفتح النفس اقل من كدا بكثير
كل الأسعار عندهم مدبلة
المهم لو نكتب كلنا أيش نطلب في قائمة
وبعدين كلـــــــــــــــنا أهم شيء كلنـــــــــــا
نبطل نشتري من كل الكفتريات كل وحده وتجيب أكلها ومويتها معاها
ونشتري كمان من برا
بس أسبوع ولا حتى يومين أو ثلاثة يخيس أكلهم
وبعدين بتشوفو كيف الوضع يتغير
يمكن يقولون بعدين الأكل من برا ممنوع تدخليه زي بالكلية كانو كدا
نقولهم اوك نطلب ع راحتنا وناكل بأماكن الإنتضار والله يتجننو
وغصب عنهم يعدلو حالهم
|