[loly]

كل سنه وانتو طيبين قرب العيد
ورحت تويز ار اص أشتري هديه لبنت خالتي الصغيرة الله يخليلها هيا
والمهم رحت ادور من لعبة للعبة ومن قسم لقسم ومحتارة والاسعار نار والمهم أخيرا اخترت لعبة
وبعدين رحت عند الكاشير احاسب وبعدين رحت في نفس المحل قسم التغليف حق الهدايا
والله يطولكم في عمركم ((( قولو آمين )))

كان قبلي 3 شباب اصحاب واحد فيهم مشتري العاب وبيغلفها وغلفها لهم البنغالي (( بعدين تعرفو لين قلت بنغالي ))

المهم وبعد ما غلفها قاله الولد للبنغالي حط الالعاب في الكيس قام البنغالي أعطاه الكيس بدون ما يحط الالعاب فيها
وأخذ اللعبة اللي معايا عشان يغلفها ووقفوا الأولاد ال 3 يستنوا انا قلت شكلهم فاضين ويبغوا يعاكسو وما عندهم سالفة
المهم غلفلنا البنغالي اللعبة وبعدين نادا على حق الكاشير وقاله اديني اكياس عشان هنا مافي خلصت وقاله الكاشير انا مره مشغوووول
قام وراح يبغى يجيب لنا من نفسه كيس عشان يحط اللعبة مسكه واحد من الأولاد ال3 وقاله انا من أول مستني عشان تحط اللالعاب في الكيس ليش ما تحطها
قاله صبر شويا ,,
قاله مافي أنا من اول استنى ومسك السعودي البنغالي ودفه دفه انا خلاص قلبي طاح
وصار يصرخ عليه في المحل و حطه على الجدر ويبغى يضربه والناس تفارع بينهم والبنغالي المسكين يقوله طيب صبر شويا










المهم

شفتو الكبرياء كيف ,, مافيه يحط الالعاب بالكيس ليش كذا ؟؟ من تواضع لله رفعه انا عمري ما شفت كدا ناس يعني جالس تستنى كله عشان تضارب سبحان الله
مررررررر ه ما فيك تحطها بيدك

بس تدرون ليش عشانه بنغالي لكن لو كان سعودي زيه وربي ما يقدر ,,للأسف لو هذا الولد ولا احنا كنا في يوم محتاجين ولقينا البغاليين يعاملونا احسن من معاملتنا لهم (( ليش لأ))

ايش راح يكون موقفنا وقتها ,,,


استغفر الله