الموضوع: { إجتمــاع طلآب و طآلبات ,, StAt 210}
عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 28-10-2010, 12:08 AM   #84

CrEaTiVe4ever

كلمة المستحيل ممنوعة عندي

الصورة الرمزية CrEaTiVe4ever

 
تاريخ التسجيل: Jul 2010
التخصص: IT ..
نوع الدراسة: إنتظام
المستوى: السابع
الجنس: أنثى
المشاركات: 362
افتراضي رد: { إجتمــاع طلآب و طآلبات ,, StAt 210}

نصيحــــــــــــــــــــــــــــــة أخويــــــــــــــــــــــــــــــــــــــــــــــ ـــــة :

في البداية حابة أشكر الكل على دعمهم المتواصل المشجع المحمس في آن واحد نقرتين لعرض الصورة في صفحة مستقلةنقرتين لعرض الصورة في صفحة مستقلة ..

ثاني شيء لكل شيء كُل شيء في الحياة هدف ولهذا الموضوع هدف ..

فإش هدفو؟!

في بداية الأمر كان الكل يتشكى ويقول انو مو فاهم المادة والمادة صعبة ويبغالها والخ ..

وأنا كُنت وحدة من اللي يشتكو برضو .. بس بتوفيق الله عزوجل يسرلنا أمرنا وفهمناها ..

نزلنا دا الموضوع عشان اللي مو فاهم يفهم .. واللي مو عارف يعرف .. واللي مو عارف يدرس ويذاكر يدرس ويذاكر ..

فـ اش بقي بعد مانزلنا الشرح .. بقي ان كُل واحد يفتح كتابو ويذاكر ويحل مسائل وأنا أقولو بإذن الله حتجيب a+ ..

يعني بالعربي مو كُل من هب ودب ينزل مسائل ويقول رجاءً حلوها ماني فاهم .. طيب الشرح قُدامك ، حاول أقل شيء ورينا إش سويت إش عملت إش إش ..الخ

امكن حلك حيساعدنا يوضحلنا أشياء ماهي واضحة علينا .. يفهمنا يصححلنا أخطائنا ..

بس للأسف في ناس تبغى تستفيد ولا تفيد!! ..

لا خيرها ولا كفاية شرها !!

تبغى كُل شيء على طبق من ذهب .. يعني بالعربي [ أنا أأشر وإنتا تقشر] ..



عيب والله عيب .. ماتدرو قد أيش الواحد يتعب وهوا يسوي الموضوع يذاكر، يجهز للشرح ، يلخص قبل مايكتب ، يكتب ، ينسق ...الخ

وغير كدا زينا زيكم عندنا اختبارات واجبات مواد يبغالها مذاكرة .. احنا كمان عندنا مصالح ..

بس لللأسف الناس ماتفكر الا فمصلحتها !! ..

حلو التعاون .. حلوة روحو .. حلو لما أنتا تعطيني وانا آخذ ، وأنا أعطيك وإنتا تاخذ ..
الين متى واحنا كذا .. والمشكلة العظمى اننا شباب لساعنا .. ماجاتنا المسؤوليات اللي نقول عليها .. معاك عذرك ..

حتى الواحد يحرم نفسو من خرجات وونس مع أهلو عشانكم .. لأنو يحبكم ..

والله ان أهلي كُولهم ومعاهم خالاتي راحو إستراحتنا من الضهر وحينامو ويرجعو بُكرا العشاء ..

زي الجنية جالسة لوحدي في البيت مع بابا عشان عندو عمل بكرة وترجيت فبنات عمتي ينامو معايا ..

حرمت نفسي من أشياء كتييييير .. بس طززز فيا .. أنا عندي عادي دا الشيء ..

بس حسو وفكرو فغيركم ..

فكرو فغيركم ..

فكرو فغيركم .. [وحِب لأخيك ماتحب لنفسك ]

وماكتبت هذا كُولو إلا لأني أحبكم وأتمنالكم زي ماأتمنى لنفسي وأكثر نقرتين لعرض الصورة في صفحة مستقلة ..

ودي رسالة من القلب وأتمنى إنها توصل للقلب نقرتين لعرض الصورة في صفحة مستقلة ..

وأتمنى من الكل انو مايتحسس من دا اللي قُولتو ..

والله يوفقنا ويوفقكم جمييييييييييييعاً نقرتين لعرض الصورة في صفحة مستقلة..

وبالتوفــــــــــــــــــــــــــيق نقرتين لعرض الصورة في صفحة مستقلة ..

 

توقيع CrEaTiVe4ever  

 

قال تعالى: [وَذَكِّرْ فَإِنَّ الذِّكْرَى تَنفَعُ الْمُؤْمِنِينَ]
*
[قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ]
*
[فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا]

 
التعديل الأخير تم بواسطة CrEaTiVe4ever ; 28-10-2010 الساعة 12:25 AM. سبب التعديل: خطأ املائي =)
CrEaTiVe4ever غير متواجد حالياً   رد مع اقتباس