[Life as Game]

المشاركة الأصلية كتبت بواسطة p!nk ink اهلا بك ومرحبا .. دحين مااااااااااشي 200 ومصفي الطبلون وقاطع اشارات وتجاوزات وساهر يكفش وماغرز عجلك إلا عند ردي واقتبسته ..~

ههه لا لا حرام عليك ..
لا تتهميني كدا ..انا والعياذ بالله ادا كنت مصفي الطبلون ما توقف السيارة الا بحادث..
يعني الكفر دا اخر شي افكر فيلو ..ولله الحمد ما قد جاني منو شي ,,
اسأل الله انو ما يوريك ولا اخواننا المسلمين ربع اللي صار ليا ,,

فقط وفقط ادا ..انهو من سوء حظك انني كنت مشقر على قسم الساحة وبالصدفة ..
شفت الموضوع مثبت ..وشوفت ردك قلت خليني اشوف ايش كاتبة نصيرة الصحابة..
يمكن استزيد من العلم,,

باين عليك ماقرأت الموضوع الاساسي اللى كتبته الاخت الامبراطورة أو انك قرأته بس مافهمت مقصده و الهدف اللى نسعى للوصول إليه .. فياليت تعشق وترجع ريوس للبداية وتقرأ الموضوع الاساسي مرة واثنين وثلاثة عشان تعرف المغزى من طرحه .. وتناقش في صلب الموضوع وماتشرق ولا تغرب بعيييييييييد

لا تخافي قريتو قريتو ..
وانا ناقشتك في صلب الموضوع ..
الاخت كانت تتكلم عن تقبل الرأي الاخر وانتي قلتي

أما لو كان في أمور الدين أقوله بصوت عالي تخسى ثم تخسى ثم تخسى كلامه مردود عليه .. اما في اسلوب المحاورة معاه فلابد أن تكون (( بالحكمة والموعظة الحسنة ))

كيف تقولي بعالي الصوت تخسى ..وفي اسلوب المحاورة تكون بالحكمة الخ ,,
طيب مو مجبورة تتقبلي رأيو بس لا تقولي تخسى ..
فالامام مالك رحمه الله ..على ما اضن ..مو متأكد والله
الموهيم جالو واحد راعي شبهه في الدين يقول اقنعني او اقنعك ..قال : "اذهب لا تقنعني ولا اقنعك"
ماقال ..على بالحرام لو عقبت لا انشب مفك العجل بين سنونك ..
فأنتي هنا تقولي تخسى لشخص اداك رأي في الدين بس ما سألتي نفسك يمكن تكوني انتي اللي على خطأ ؟؟
ترى احنا مو علماء عشان خلاص ناخد انفسنا في الدين صح ..والمخالف خطا..
ادا كان العلماء بأنفسهم اختلفوا ..كيف تقولي عن الشخص العادي اللي يخالفك برأي في الدين تخسي ؟؟
طبعا ما اقصد اللي يخالفك في الديانة..مع انو حتى هوا ما يصلح ننفروا من ديننا..

المشاركة الأصلية كتبت بواسطة p!nk ink high class man شكرا على اضافتك النيره .. بس والله ماودي انك تعبت نفسك وسردت التبريرات لناس ماودها كلمة الحق وارجع لرد 103 عشان تعرف اوصافهم اللى ذكرتها.. بارك الله في مسعاك ..~

يا بت ايش فيك عليا ..؟؟
بعدين الاخ جاب شطحات خارجة عن الاقتباس اساسا ..لان الادلة اللي جابها عن الكفار في جهنم ..
واللي يخالفك رأي في الدين هل تقولي عنو كافر؟؟وفي جهنم ؟؟ عشان نطبق عليه الاية الكريمة ؟؟
ونقول لو بكل سهولة تخسى ؟؟
بعدين ليش ما تقولي ليا بارك الله في مسعاك زيو ؟؟؟

تحياتي .. لك ايها المكرم

يسلمو يسلمو ..عالاخلاق ..يا كريمة ,
دايما اتمنى من اعماقي تطلع بنتي رفرف مطوعة زيك ..من جد والله ..بس ما تكون شريرة
الله يثبتك على طريق الصواب ,,