السلام عليكم ورحمة الله وبركاته ..
هاي منتدى .. كيفكم .؟
هذي قصيدة لشاعر بدوي يحاكي بنت حضرية ..
قصيدة اعجبتني .. خصوصا وهي مغناة ..
في الاغنية طالعة شي ..
وهذي القصيدة :
يا بنت انتي بنت ناس هوامير
وانا بدوي عايش مع البوش فالبر
انتي بفيلا بها الزهر والنوافير
وانا بعريش وحوله الغاف الاخضر
انتي تلفين المدينة بالعصير
وانا ادور بنت ظبيان وازقر
الفقر واضح بيننا دون تفسير
مثل الشتا يا بنت يفرق عن الحر
ابوك عنده معرض للسيايير
شيئاً موّرد وشي خارج مصّدر
من غير لي بالبنك شيكات توفير
ولا هو بمثلي كل يوم(ن) بمخفر
وعمك يعدونه من اللي مشاهير
محسوب من التجار وسيارته جاكور
وانا بدوي وانتي بشهادة ماجستير
ويحق لي بشهادة البدو افخر
ما غير اطباعي لجل خاطر الغير
يا بنت عفواً واعذريني فلا قدر
احب البدو من يوم انا عدني اصغير
واراقب الجوزاء مع الليل واسهر
واحب اشوف الذود والصيد بالطير
ارتاح يوم الصيد فالدار يكثر
هاذي حياتي عشتها دون تقصير
والحمد لله خالق الكون الكبير
انا بدوي يا بنت وعالرمضا اسير
واتحمل الشدات بالحيل واصبر
واسير فالوديان وقومي مناعير
والشاهد الله فعلنا دوم يذكر
اتمنى اعجبتكم ..