[*أحبك ربي*]

اولااا بسم الله الرحمن الرحيم
ثانيا اشكرك من كل قلبي ويارب تقدري توصلي اصواتنا ويارب ينفذوهاا بس
ثالثا وهوا الاهم يعني احيانا الواحد يستغرب من القرارات اللي مطلعينها الجامعه خصوصا موضوع العبايه دا يعني وين المشكله في لبسها كلوا عشان الاستاذات الاجنبيات استغربوا والا ايه
ثانيا نحنا ناس راقين وجامعيين ومو هذا هدفنا ايش نلبس وايش مدري شو يعني ايجابيات لبس العبايه اكثر من سلبيتها وعادي الاكتئاب يجي من كل شي حبكت يعني على العبايه المسكينه
يعني تجيكي طالبه مؤدبه ولا عمرها خالفات ومن الممتازات في الجامعه وتكتب مخالفه عشان عبايه واصلا الواحد ما يمدي يفسخ طايرين بين المباني وفي الشمس
بعدين لازم يكون شويه حريه خصوصا في اللبس اهم شي ما يخالف الشروط الشرعيه وبس يعني كذا تهميش لعقولنا حتى الوحده مي قادره تلبس اللي ترتاح فيه وبعدين حطوا في بالكم فيه بنات متزوجات ويا دوب الوحده تجي مافيها تكشخ ولا شي اصلا مافيه وقت يعني يا ريت هذا القرار يعدلوا عنو
ولو حبوا البنات يبطلوا لبس العبايات فيه شي اسمو مخاطبه الفكر والعقل يعني فيه اساليب وطرق ونحنا هنا في الجامعه يعني كلنا فاهمين وعارفين اساليب الاقناع يقدروا ببرامج ومنشورات واشياء تخلي الواحد يسوي اللي يبغوه بدون اجبار وتصغير للعقول
وكذا الواحد يحس انو القرار فيه صواب مو واحد فاضي يطلع قرارات من فراغ لاسباب شخصيه بحته
والله يجعل هممنا اعلى وغاياتنا اسمى من انو الواحد يجري ورى اشيا تافه
وشكرا لك مرا ثانيه
والله يعطيك العافيه