[بنوته سوويت]

بسم الله الرحمن الرحيم
امممممممم
بالنسبه لمعرفه الاسم الكامل صادقه الصراحه يعني ايش فيها لو الناس عرفو اسمها جريمه ولا عوره كمان طيب لو كان حرام الاسم احد يعرفو كنا ماعرفنا الين الحين اسماء الصحابيات والنساء على زمن الرسول صلى الله عليه وسلم احنا طبعا مابنقارن نفسنا فيهم طبعا لاننا نعرف فضلهم وغيرو
...
اممممممممم بالنسبه لمعاكسات الشباب لانو هما يبغو يضيعو وقت مو عارفين لو كل واحد من الشباب قال عيب عليك ذولي بنات بلدي وماسوى كذا واحترم نفسو كان يمكن خفت هاذي الحركات يعني دحين انتو كل شي تحطو الغلط على البنات والشباب مايغلطو ياسبحااااااااااااااااااااااان الله طيب لو هي يعني لو لو < حطو على لو خطين لو طلعت متبرجه وكذا طيب هي غلطانه من جهه بس برضو الي يعاكس برضو غلطان
...
بالنسبه لسواقه المرأه للسياره صراحه ذا الموضوع من كثر ماانا مقهوره منو الود ودي امس المعارضين وابهذلهم بهذله يعني الحين الحريم يتشحططو في التكاسي ويايطلع صاحي ياخربان ويتاذو عادي كذا واذا قلتو مايتاذو طيب انا اعرف كثير يصير حالات من الاذيه ذي يايوديهم عند شقه ويقلهم انزلو ولا يسرقهم ولا يقول كلام موش ولابد يعني طيب ليش وجع الراس ذا كلو مو الافضل والاامن انو الوحده تروح بسيارتها ولا تركب مع واحد غريب واذا قلتو طيب اخوانها وابوها طيب يعني اشبهم اخوانها من يوم تقولهم يلا ودوني بينقزون لها ويقولو من عيوني اذا ماعلو كبدهم ولا تجلس تتشحت ساعه ولا يقول ماني مودي وهي تكون محتاجه فعلا للمشوار ذا واخوها يروح يلعب مع الشباب ولا مشوار تافهه وهي محتاجه من يوديها لمكان من جد مهم وضروري
..
طيب فيه حريم ماعندهم احد ماعندهم رجال وحيدين لا اخ ولا اب ولاعم واذا كان فيه قريب مو فاضي لهم دوبو في اشغالو ويضطرو يركبو مع رجال غريب مايعرفو ايش معدنو
..
اساسا انا احس الغلط من البدايه انو ماسمحو للحريم من يوم طلعت السيارات واخترعت وكان الحين عادي لو شافو حرمه تسوق واذا دحين سمحو في البدايه بيكون ازعاجات وشي غريب لكن مع الوقت مصيره يصير شي عادي طيب مثال الدش اول ماطلع كان مره شي ومدري ايش والحين جداً عادي و الي ماعندهم قليل مره ..
وبس واذا جاء براسي شي جديد اقولو