رد: دخلت الجامعه بطمووح يفووق الخيال >> ولكن للأسف
بقولك شي انت خل لك بدائل يعني مو كل الي يبغى طب راح يدخل طب ولا كل واحد يبغى هندسة راح يدخل هندسة
وبقولك شي ثاني وشي مهم مو معناته ان دخلت طب فانك راح تحقق كل طموحاتك انت ماتدري فين ربك كاتب لك
رزقك ، . ترا يمكن ان دخلت تخصص مستواه اقل من الطب يمكن ربك يكتب لك تاخذ رزق اعلى من رزق
الدكتور او رزق المهندس في النهاية الانسان ماياااااااخد الا نصيبه .. ،
صح انه جامعتنا متخبطة وفيها مساوئ واخطاء فادحة ، وكارثية والـخ ، لكن بالنهاية دام انت ذاكرت من قلبك
وسويت الي عليك فلو تجيب صفر من مية اعرف انو لو كنت انت اذكى انسان في العالم ماراح تجيب فوق الصفر
لان هذا الشي مكتوب .. بس انا مثلا ما اجتهدت اقوم اعوض بالاختبارات الثانية وفي النهاية اقولها لك نصيحة
رضاء ربك ، ورضاء والدينك راح يقودك للرضا بنصيبك وصدقني هالدراسة كلها ماتسوى الزعل او النكد
لانه في النهاية الانسان مصيرهـ في الاخرة والدنيا خليها تمشي زي ماتمشي اهم شي لاتزعل نفسك .. واخر شي
احب اقوله لك يقول المصطفى صلى الله عليه وسلم في الحديث الصحيح: {من أصبح آمناً في سربه، معافىً في جسده، عنده قوت يومه، فكأنما حيزت له الدنيا بحذافيرها } واعرف ياخويا انو مو كل من يخش الطب راح يعيش مبسوط ولا كل من دخل هندسة راح يعيش مبسوط ، ان شاء الله اكون قد خففت عليك ولو شوي من همك
|