[عباطة]

في خضم انشغالنا نسينا ولكن نذكر فان الذكرى تنفع المؤمنين اخي
لقرب زكاة الفطر تذكر ان هناك اناس يعيشون تحت انقاض الفقر وركام العوز فهنيء لمن واسى فقيرا ومسح دمعت يتيم

تدري وش اللي يجرح القلب جرحين...

...ويمد حبـل الحـزن فيـك ويشـده

انك تناظر طفل مـن غيـر ابويـن...

..يمشي ودمعـة سايـل فـوق خـده

منظر صعيب ويقسم القلـب قسميـن...

..لا قـام يمسـح دمعـة بكـف يـده

يمشي ولا يدري طريقه علـى ويـن.....

..لين التعب من كثـر مـا تـاه هـده

اثقل حـروف يشيلهـا فيـة حرفيـن....

..لا أب يـدريـبـه ولا أم تـــرده

في خطوته رحلـة ودمعـه وسكيـن..

...وحـظ توسـد بالمراسـي مـخـده

جيت اسألـة بالله قللـي ولـد ميـن...

. ..وبغي يجاوب واختنـق صـوت رده

أنـا يتيـم ومـا لدربـي عنـاويـن..

. .وجزر الحزن فينـي يسـاوي لمـده

وطعم الطفوله ماعرفته لهـا لحيـن..

. .وثوب السعادة صـرت مانيـب قـده

ابكي إلى من شفت غيـري سعيديـن...

..ليـن البكـا فينـي يوصـل لحـده

ورحت امسح دموعي من العين..

..وعيني تناظـر دمعتـه فـوق خـده

وهذا اللي يجـرح القلـب جرحيـن...

.ويمد حبل الحـزن غصـب ويشـده

وهذه أخرى

يا "عيد" عفوا ما استطيع اشتري ثوب
مجبور اعيّد فـي الثيـاب القديمـه
يادوب احصل لقمة العيش يـا دوب
بمساعدات اهـل القلـوب الرحيمـه
ابي رحل جا له من الـرب مكتـوب
ترك لي امّا فـي المصحـه سقيمـه
واختاً لها من عسرنا قسم موهـوب
طلت علـى الدنيـا فقيـره يتيمـه
غضروف اذنْها بات للقـرط مثقـوب
والقرط في ثقب اذنهـا عـود نيمـه
شان الزمان وحالنا صـار منكـوب
والناس مـا فيهـا مـروّه وشيمـه
ما غير تنظر لي بنظرات مغضـوب
ما كنـي الا مرتكـب لـي جريمـه
حولي قصور ودور تبنى من الطـوب
وانا مع افراد اسرتي وسـط خيمـه
ابات طول الليـل سهـران مرعـوب
اخشى الزمان مخالبـه لـي مقيمـه
الحال في تغييـر والوقـت مقلـوب
ماعاد عنـد النـاس للنـاس قيمـه


منقول