[M7mmd]

تسلم يدك عالكلام الحلو اللي يرفع المعنويات يا احلا بنت

المشكلة انو ناس كتير كانو واخدين نظام دراسة الجامعة زي الثانوي " انا منهم "

صح انك بتقول لنفسك لا انا عارف انو الجامعة شي تاني واعذرني في النهاية انتا بتضحك على نفسك

لأنو الجامعة يبغالها اسلوب جداً غير في الدراسة مو زي ما احنا اتعودنا

غير ان المذاكرة تكون يوم بيوم ما ينفع انك تاخد كلام الدكتور وتزاكرو بس لازم تشوفلك كم ملخص مو واحد بس

انا دا اللي خلاني آكلها صح في الفيزياء كنت واخد كلام الدكتور وبقول الفيزياء جدا سهلة على كلامو !

اكتشفت اني لو كنت ذاكرت كلام الدكتور بس ورحت الاختبار كنت ما جبت 5 درجات ..

الحمدلله قبل الاختبار واحد قلي انو دكتورك دا بيعطي رؤوس اقلام فقط!

فـ صحيت شوية صح كنت متأخر بس سويت اللي عليا والحمدلله

والحمدلله على كل حال .. الجي إن شاء الله احسن

ومهما كان لا تتحطمو من دحين لسه قدامكم دوري تاني ونهائي ولسه ترم ثاني

والحمدلله اللي صار في الاختبارات الأولى كان صحوة ليا

وشكرا يا احلا بنت خليتيني افضفض شوية

الله يوفقكم ويفتحها في وجهكم وييسرلكم امركم ..