[شــفــافـــة]

انتي حرة ؟؟
طبعاً

شو مقياس الحرية بنظرك ؟؟
طالع في حالك وشوف قد ايش تحسب للناس حساب
وقد ايش انت بتحاول ماتغضب ربك
وتعرف اذا انت حر ولا
(كل مااهملت راي الناس فيك واتجاهلته انت حر
وكل ماحاولت تسوي شي يرضي ربك وتجنبت الي يغضبه انت حر)

شو الفرق بين الفلة والدشرة والحرية ؟؟
الفلة :هي الاشياء الي تبسطك وتبسط الي حولك
الدشرة :هي الاشياء الي يرفضها المجتمع وانت تصر انك تسويها علناً
الحرية :هي المساحة الي يعطيك اياها اهلك عشان تفلّها (في عرفنا)
وفي اعراف اخرى هي: المجال الي يحدد اهدافك وهواياتك وتصرفاتك واسلوب تفكيرك
(على فكرة التفكير ممكن يكون حر وممكن يكون مقيّد)


حلو للبنت تسهر برا البيت ؟؟ مع خوياتها ولا بس مع قريباتها ؟
مافيها شي اذا كانت البنت (ثقة)...تسهر مع قريباتها هذا شي من حقها
وتسهر مع صحباتها على حسب مساحة الحرية الي معطينها اياها اهلها
بس انا اشوف انه عاادي جداً
(والحرية نعمة من رب العالمين بجد انا احمد ربي ليل نهار على اهلي
وطريقة معاملتهم ليا لما اشوف بلاوي ومصايب بتسير حولي
يعني اذا الاهل مااعطوا البنت حريتها ...في هذا الزمن هي تقدر تاخذها من غير مايدروا
تقدر تطلع وتروح وتجي ... ومن غير مايدورا)


طيب شو حدود الحرية للبنت ممكن تدخن في نظرك ... اذا انت بتدخن ليش هي لا ؟
البنت تكون حريتها محدودة لما يكون عمرها بين 13 و 17 لكن بعد كذا انا اشوف انه المفروض
مايضغطوا عليها ويعقدوها
كيف البنت بتسير شخصية ناضجة وواثقة من نفسها ومقدرة ذاتها إذا كانوا يعاملونها كانها
طفلة
لاتروحي... ولا تجي... ولا تعملي..<<هذا اكبر غلط يرتكبه الاهل في حق
بناتهم حتى لو كان قصدهم يحموها حتنهز ثقتها بنفسها
والبنت زيها زي الولد
اذا كانوا يسمحوا لولدهم يدخن المفروض مايمنعوها
يعاملوها من معاملته وبنفس الطريقة
ويعطوها ثقة
وأي انسان متربي كويس واهله اعطوه حريته
صدقوني ماراح يسوي شي غلط

اما اذا كانوا يمنعوها من كل شي فهذا معناته
انه هم مو واثقين في تربيتهم لها...يبشرووووا بالمصايب الي تصير من وراها
لأن الضغط يولد الانفجاااااار

وخلاصة الموضوع:الحرية مو معناها خروج وطلعة وفلّة وبس
الحرية انك تكون مقدّر نفسك ومحترم ذاتك ومترفّع عن الخطايا
الحرية انك ماتقيد نفسك ..بمكان..أو ..بوقت...أو بـ ناس
الحرية هي الشي الي انت تفرضه على نفسك
والقيد هو الشي الي يفرضه الناس عليك
وفي النهاية الحرية شي نسبي ماله مقياس معين
أو حد معين<<كثرت فلسفتك هاليومين

تقبلوا مروري
^
^
بعد ايش يختي