رد: أعفاء عن الرسوم الدراسيه
السلام عليكم
أنا اضم صوتي لصاحبة الموضوع
أنا بفتح ثلاث نقاط
الاول. وين تروح ال 3000 ريال كل فصل خذوني احسب الطالب وش يكلف الجامعة
1- كتب. حنا وشارينها من برى يعني ما تكلفو شي
2- موقع الودس لو قلنا كلفهم ترى ايجار الموقع في النت بالكامل 50 ريال بالسنة توني شاري من موقع دادي قو. يعني اكلفهم بالفصل 25
3- تكلفة مكان الاختبار اللي نجلس في ساعتين. لو تجلس في اغلى مطعم دون ما تطلب اكل يقولك الجرسوم ادفع 50 على الاقل ادفع 50 على 7 اختبارات بتصير 350
4- رواتب الدكاترة ونفترض ان راتبه الشهري 25000 يعني بالفصل يكلف 100000 للفصل لان الفصل 4 شهور ماحنا دافعين في اجازاتهم فلو قسمناها على الطلاب مثل الجمعيه و تقريبا الطلاب اكثر من 1000 طالب يعني كل طالب يقط 100 ريال ب7 مدرسين ندفع 700
5- اقلام وكتب الاختبارات ما تكلف 5 ريال
6- الكراسي الطاولات اللي ما نجلس عليها الا وقت الاختبارات تكلف 200 ريال وانا بجلس معاكم 8 فصول يعني بدفع كل فصل 25 ريال
ذكروني نسيت شي
طيب اصير انا مكلفهم = 1105ريال
خلنا نقول من حقهم يربحون مثل ما نقول شغل يدهم المفروض زيادة ع التكاليف 15٪ يعني 1270.75 وجبرناها وصارت 1300 ريال
ثانياً. اخلاقياتهم. للأمانة
عمرك شفت واحد فيهم يبتسم لك
يسالك محتاج شي في ممرات الجامعة
اتصلت على تحويلته ورد عليك بنفس
اتصلت على قسم التسجيل وقال السلام عليك او سلمت عليه ورد عليك السلام
رفعت شكوى في المعاملة الالكتروني و ردوا رد طيب او ما صرفوك او اتصلوا عليك يطمنون انك مرتاح
ثالثاً للاسف حنا بالسعودية كل شي عندنا غالي وكل من فتح الله عليه ما يقتنع ان يربح ربح بسيط و يقدم خدمة ممتازة لعملاء. لا لازم اضاعف ربي
مثال
جرير تشتري اللابتوب من المصنع ب 700 ريال الى 1200 ريال وينباع عندنا من 2000 ريال الى 6000 ريال
الايباد من 1900 ريال صار 3200 ريال
ايفون 2300 ريال صار ب 4500 ريال. الله يعز موبايلي اللي جابته بقيمته
السيارات تاخذها من المصنع من 15000 ريال الى 70000 ريال حسب السيارة وفي الوكالة من 60000 ريال الى 1600000 ريال
الكل يزود اكثر من سعره ويضاعف
المشكله من تشتكي
اذا حتى المرور رفض يسمح لاي سعودي يجيب سيارة من الامارات ليه لان مسولي المرور يتاجرون بالسيارات المستخده اللي اغلى من باقي دول الخليج و يبون يحتكرون السوق لهم
و الجرايد اكثر الناس نفاق اذا ما تتكلم عن معاناتنا مع التجار علشان ما يوقفون الاعلانات عندهم
الوضع مستحيل يتغيير طول عمرنا نمشي حالنا على البركة و الدين والحكومة تساعدنا بالشرهات. كذا حنا مستحيل نتحسن اذا ما فيه رقابه و صدق وشفافيه. صدقوني مشاكلنا كثير و البركة يوم بتمحا وحتى الزكاة اللي الله فرضها علينا. بنوصل يوم مانقدر نوفيها ولا اتوقع ان التاجر اللي يدور ورى الريال بتوزيه نفسه يتصدق او يزكي
الموضوع كبير ولا اتوقع ان الجامعة بتشيل الرسوم و ياليت بهالمبلغ اللي ندفعه يطورون الجامعة شوي واخلاقهم اهم
|