[Mr math]

السلام عليكم ورحمة الله وبركاته
انا مستغرب من جامعة كبيرة وقوية وتمتلك دكاترة كبار بعقلياتهم ومتميزين
لكن اللي انا مستغرب منه معاملتهم لنا كطلاب
يعني انا عانيت بالترم الصيفي عشان اخذ درجة مادة الاحياء
بدأ الترم الاول والعالم تخصصوا وانا حاطين لي حرف y مكان الدرجة واروح اراجع العمادة يوميا عشان تنزل الدرجة لشدة اني رحت لكلية الاحياء واخذت الدرجة بنفسي وسلمتها للعمادة
وبالاخير يرسلونها لرابغ لاني من طلاب رابغ وتاخذ لها اسبوع ويرجعوا رابغ ويسلموا الدرجة لجدة وتاخذ لها اسبوع ومر من الترم 3 اسابيع وانا انتظر درجتي عشان اتخصص
وبعد ما نزلت الدرجة في رابع اسبوع اروح لوكيل كلية القبول والتسجيل عشان اقوله اني ابغا تخصصي يكون برابغ حسب اختياري فقال لي عفوا انت لازم تكون بجدة قلتله انا كلمت عميد كلية الحاسبات برابغ وقال انه بيعطيني ورقة بانه لا مانع لديه بان انقبل بالكلية عنده
تدرون ايش رد علي قالي انا اخذ الورقة واقطعها واريها بالزبالة
بالله هذا كلام ينقال لطالب يقول انه بياخد ورقة عميد الحاسبات ويرميها بالزبالة والله مافي لا نظام ولا ترتيب ولا في احترام لنا كطلاب
فاحنا اذا ما نقدر نقول اللي عندنا للعمادة لمين حنقوله وادا كانت هاذي هي ردودهم بدون مساعدة مين بيساعدنا
ما اقول الا حسبي الله ونعم الوكيل على جامعة ما تهتم بطلابها ولا تساعدهم وفوق كذا ما تحترمهم
واسف على الموضوع القوي هذا ولكن بصراحة هذا اللي حصلي انا ابغا احول حاسب الان برابغ ماني لاقي بالتحويل جامعة جدة مهم ممعترفين بجامعة رابغ
ولا بطلابها ليش؟؟
احنا كلنا تحت مسمى جامعة الملك عبدالعزيز
اللي كانت عكس توقعاتي بصراحة
انا مجبور اني احول بجدة لو ابغا احول وانا ما ابغا احول جدة طبعا
فايش الحل مع جامعة الملك عبدالعزيز؟؟؟؟؟؟