[لانا11]

المشاركة الأصلية كتبت بواسطة ام جنو السلام لجميع صبايا السنترا عساكم تذاكرون وتجتهدون ابغى اعرف فيه صيفي للبنات ومتى ح يكون التسجيل ؟؟ ومتى التسجيل للسنه الجديده ؟؟ وبالنسبه لماده الاحصاء كيف تتذاكر ماعرفت فيها كلمه الي عنده أي معلومه عن هالماده لايبخل عليه وكيف الأسئله ح تكون لماده مهارات الاتصال00 انا عارفه اني زودتها بس استحملوني وبالتوفيق للجميع

وعليكم السلام عسل
أول شي أنا مافهمت قصدك تمام بالصيفي يعني ايش
بس ع العموم أنا أعرف انو مافي بتاتا صيفي للانتساب التحضيري طبعا
بس للتخصصات ماأعرف

وياعمري التسجيل للسنه الجديده بدري عليه هههههههههههه
عندك دا الرابط للاشياء اللي ب تصير ف الجامعه اختبارات أو دورات...الخ
http://admission.kau.edu.sa/AccessPa...ng=AR&SYS_ID=8

وادا عشان أحد تعرفيه يبغى يسجل ف الجامعه
ع حسب ادا بيسجل انتساب مدفوع
http://admission.kau.edu.sa/AccessPa...g=AR&SYS_ID=18
وادا انتظام
http://admission.kau.edu.sa/AccessPa...g=AR&SYS_ID=11

بس ياعسل لسه اللي كاتبينو القديم باقي مافتحو الجديد


طيب والاحصاء ياعسل
مرررررررررررررررره حلو << ادا داكرتي
كيف تذاكريه اجلسي معاها ع السنترا افهمي اللي تقولو
وادا السنترا مو راضيه تفتح عندك
يصير انتي امسكي باب باب وانتي تقرأي ركزي وربي بتفهمي
بس دحين لأنك مصعباه مو راضي يدخل
انتي أهم شي انتبهي للمصطلحات للأمثله << اللي ف الباب الاول
والقوانين في الابواب اللي بعد كدا بتجيكي جاهزه
بس انتي دربي حالك كيف تستنتجي من السؤال أي قانون بتاخدي
وكيف تعوضي وقلبي ابدأي داكري من دحين وكل ماخلصتي باب روحي الجامعه اسئلي ادا عندك أي سؤال
ولااااااااااااااااااااااازم تحضري المراجعه لأنها مررررررررررره تمام
وطبعا أغلب شي كان ف الاختبار من الابواب العمليه مو النظري
النظري جانا منو بس مررررره قليل << مدري ادا بيغروهـ
المهم قلبي لازم كمان قبل الاختبار تمرني نفسك ع أسئله مره راح يفيدك

والاتصال مممممممممممممم تدري لو ماحضرت مراجعتو كان ماجبت درجه تمام
الاتصال اقرأيه ب فهم
وحاولي تشوفي بنات تدرسهم أ. ديانه باعامر << أتوقع كدا اسمها
المهم وشوفي المراجعه حقتها بيفيدك

أتمنى أكون أفدتك ياعسل وادا عندك أي استفسار ارسليلي ع الخاص
لأني ماأدخل ع دا الملتقى كثير

موفقه قلبي
وموفقين جميييييييييييييع طلاب وطالبات جامعة عزوز ^_^