[فندام]

بالنسبة لسؤالك الأول اعتقد انز لكم نصيب في اختبار القدرات الي ب 12/1/1432 بل المفروض يكون لكم فيه نصيب ممكن تكلمي مركز قياس وتتأكددي منهم
اما بالنسبة لسؤالك الثاني وهو طريقة المذاكرة للاختبار فعندك طريقتين
الاولى هي انك تشتري كتاب اختبار القدرات العمة للجامعيين للمؤلف محمد حسن طيب والكتاب موجود بمكتبة جرير وبمكتبة العبيكان ولو حصل ومالقيتيه عندهم ممكن تدخلي موقع المؤلف على النت وتلاقي طريقه الحصول على الكتاب من المؤلف نفسه عن طريق الdhl بس حطي في بالك الكتاب دسم وبدو اقل شي شهر ونص مداكرة عشان تقدري تغطي كل اجزاؤه ومحتوياته
الطريقة الثانيه هو انو قبل الاختبار في دورات تدريبيه مقدمة للراغبين في الدخول للاختبار هدي الدورات بيعلن عنها في النت ومدتها توصل ل 6 ايام تقريبا وانا عن نفسي افضل هدي الدورات لأنو بيكون امامك شخص متخصص بشرحلك ويفهمك كل شي عن اختبار القدرات
وممكن انك تجمعي بين الاثنين يعني الان لو تجيبي كتاب المؤلف محمد طيب وتطلعي عليه عشان تكسبي الوقت وتبحثي بالنت عن الدورات التدريبيه تبع اختبار القدرات يصير حتى لما تلتحقي بالدورة التدربيبه وانت اطلعتي على الكتاب وغطيتي جزء منو يكون عند خلفية وقاعدة تقدري تبني عليها
وفي نقطة لازم انبهك لها لاتشتري الا كتاب اختبار القدرات العامة للجامعيين لانو على حد علمي هو الكتاب الوحيد الخاص باختبار القدرات تبع الجامعيين اما باقي الكتب الموجوده بالمكتبات فهي خاصة باختبار القدرات تبع طلاب الثانويه العامة وطبعا في فرق بين الاختبارين اختبارات القدرات تبع الجامعيين فيها تعمق وشمول وتحتوي على أجزاء اكثر من اختبار القدرات تبع طلاب الثانويه العامة المهم انك تكسبي الوقت لانو مو باقي الا وقت قليل على الاختبار لو جتبي الكتاب حاولي تغطي الي تقدري عليه منو واتوكلي على الله واختبري ولو حصل انك ماجبتي درجه جيده بهدا الاختبار ممكن تدخلي الاختبار الي بعده يشهر 4 ماعندك اي مشكله وهذي معلومة اكيده مافيها شك شدي حيلك وبالتوفيق