[أحـمـد ظـافـر]

المشاركة الأصلية كتبت بواسطة بيو كيميائية ^_^ أنـا مـن وجـهة نظـري اللي مايبي المطـر إيمـانه ضعيف يعني بتموت بتموت سواءً جاء مطر أو لا وبالعكس المطر نزوله رحمـة وعدمـ نزلوهـ عقـاب من رب العـالمـين اليـومـ بنـات غايبيـن مادري ليش هو نازل مطر وإلا إعـصار وأنا وحدة نايمـة ومادريت إلا لما طلعت الصبح

يآ مرآحب زهرورة

نعم انا كنت اعتقد ذلك أيضاً ,

لكن كما وضح لنا الأخوة الأعزآء بأن عقاب الله لا يقتصر فقط على عدم نزول المطر والجفاف والقحط والشدة , بل أيضا يشمل ان يكون المطر نفسه عذاب , كما ذُكر في الدليل .

الله يرحمنا برحمته التي وسعت كل شيء .

مقدر لك توآجدكِ .

المشاركة الأصلية كتبت بواسطة جوفريز عفوا عزيزي الخوف ليس من المطر بحد ذاته قدر ما هو خوف من عواقب هطول الأمطار وخاصة في مدينة مثل جده ماشي في حال سبيلك شوي وانت طايح في حفرة وما حفرة طريق مكة ببعيدة عن ذاكرتنا

مرحبا جوفريز

كلامك صحيح وفي محله , والله يكفينا ويحمينا .

شكرا لك

المشاركة الأصلية كتبت بواسطة ستأتي أيامي مررررررررررره أحب المطر ,, أنا كمان والله أستغرب من اللي يخافو ، متى أخاف من المطر ،؟؟ حالتين بس .. 1- لما أكون برا البيت ، أشيل هم تكون في طاقة مفتوحة ويدخل المطر منها وينعدم البيت ، بس هو هذا ,, 2- كمان مرات أشيل هم لما أكون برا وينزل مطر والبزورة في البيت أقلق مره عليهم مع إنهم مع الدادات بس برضو أقلق ,, لكن أعشق المطر عشــــــــــــــقاً وهالنشيد كل ما أسمعه أتمنى ينزل مطر >>> زي البزورة هههههههههه

أهلا بكِ يآ بــــاش

ومَن مِنا لا يُحب المطر ويعشقه !

معذورة في خوفك على أولادك , ولست معذورة في خوفك على الأثآث

النشيد رآئع جدا , أعجبني

وأيضآ أعجبني مروركـ ومشآركتك .

المشاركة الأصلية كتبت بواسطة نسيم الوجود طيب يآ أخ احمد آنآ لمآ آروح الطآيف تمطر هنآكـ عآآآآآدي جدآ بسبب وجود وديآن خآصه للسيولـ تمشي فيها برآحتها..مو هنا وديان صارت عليها فلل تمطر هنـآ بيجلس قلبي يقرقع ..زي امس الساعه2 ونص سمعت صوت البرد يصقع بالمكيف من الفجعه شوي وبلصق بالسقف وغصب عني بخآآآآآف مو بكيفي هذآ كله بسبب الكارثه اللي قبلـ اللي اسبآآآآآآآبها واضحه جدآآآآآآ .. ناس كانو معآكـ ورآحو بغمضه عين ..ونآآآآآآس بغينآ نفقدهمـ ...اتوقع لو كنت وآقف بهذيكـ اللحظه وتسمع الصرآخ والاسعاف والدوريآت مآكتبت ذآ الموضوع ومآشرهت على اللي يخافوون المهمـ ماتوصلـ عندي اني ادعي مايجي مطر ..دآيمـ آردد اللهمـ سقيآ رحمه لا سقيآ عذآب .. نسيمـ

مرحبآ بنسيـم

كلامك سليم وصحيح ,

الله يطمّن قلبك .

اللهم سقيا رحمه لا سقيا عذآب .

اعترف بأني تسرعت في كتابـة الموضوع , وبعد الإعتراف السريع نشكر لكم توضيحكم .

مقدر لكِ توآجدكِ .
[
quote=Suzi;3164247]وعليكم السلآم

من ما يحب هاللحظة خصوصا آنه الدعوه تكون مستجآبة فيها

اللي خوفنا مشكلة السيول اللي صآرت العآم والنآس اللي غرقت وتوفت لانه للآسف مافي بيرفكت سيستم

يآرب آمطرنا برحمتكـ وآمطرنا بسعآده لا تنتهي ~[/quote]

أهلا سوزي .

اللهم آمين .

الحمد لله الآن أصبح في خطط موضوعه , وشآحنآت مصفوفه .. بعد ايش ؟!

كل الشكر .

المشاركة الأصلية كتبت بواسطة ~Aspirant~ ^ آه يآنسيـمـ في نفس الساعة 2 ونص آخر الليل فز قلبي من الخـوف ): صحيت اتفقد اخوآني لقيتهم نآيمين كنت أبي أشوف السمـآ لكن صوت الرعود كآن زي القنآبل يآرب أرحمنـآ..

مرحبا اسبرنت .

اللهم آمين .

المشاركة الأصلية كتبت بواسطة شكولا :: وعليكم السلام والرحمة.. شفت الموضوع من برآ وعرفت انه انت النآس في جده ماتخاف من المطر لأنه مطر بل من الكـآرثه اللي صارت العـآم يـمكـن لأنا ماحسينا بـ المـأسـآة إلآ بـعد مـآانتهت .. ماخفنا من المطر وقلنا قضاء وقدر .. لكن اللي فقـد نـاس وشـاف بيته يغـرق قـدآم عيونه بتجيه حـآله نفسية ولا مو يـ نسيم :: ههههههه اسبرنت ياحليلك رحتى تتطمنين على أخوانك أنا رحت أصحيهم وأقول بَرَد الحق ماتلحق

يآ هـــلآ شـكــولآ ..

إن دل ذلك على شيء فإنه يدل على فٍرَاستك , زآدك الله فرآسةً على فراستك

الحمد لله على كل حال , صحيح أن الكارثة لا تنسى .

رحم الله الجميع الاحياء والأموات .

كل التقدير .

المشاركة الأصلية كتبت بواسطة عموريAHLI رب ضارة نافعة الأمطار العام الماضي صحيح أضرت بكثير من سكان جدة , لكن نفعتنا بنفس الوقت وانفضحو المسؤولين الخونة

مرحبا عموري

صحيح كلامك , ونأمل أن يكون الوضع تعدل الآن .

الله يعوض المتضررين , والله يهلك الخائنين .

مقدر لك توآجدك .