رد: لم اعد أثق بوزارات التعليم لا التربيه ولا العالي .....لذا لست أدري من أسأل؟
أهلاً اختي المجادلة...
بالنسبة لي، وبغض النظر عن أساليب النقد البناء..... ولكن انا اؤيد كلامك من نواحي كثيرة.
وحتى الذكور عندهم مشكلة ... احياناً قطاعات عسكرية تطلب عدد 2 او 3 جنود.... اللي يتقدمون على هالوظيفة عددهم كبير جداً .. يوصل 10 الاف بالراحة... وحنا نتكلم عن وظيفتين او ثلاثة.
مع أن البنات والله ما ينقصون عن الذكور بشي أبداً...... أمس حضرت معرض في الرياض خاص بال mba .... وكانوا فيه بنات سعوديات كزائرات للمعرض... وبرضو بعضهم كانوا يمثلون جامعات بريطانية ..... ما شاء الله تبارك الله... قمة في الثقافة ويسألوا اسئلة فعلاً حسيت انهم عارفين وش يبغون بالضبط... ومش دراسه والسلام!
كل الكلام اللي ذكرتيه اختي ، كما ذكر الاستاذ عماد ، معروف عند المسؤولين....... والمشكلة بعضهم عارفين ان فيه تخصصات معينة مالها أي طلب حالياً بسوق العمل... ومع كذا للحين يتم تدريس هالتخصصات.... ليه؟ لان للاسف كل ناس تشتغل حالها.
يعني لو ما فيه حاجة لتخصص الجغرافيا حالياً ، ترسل وزارة التعليم للكليات وتقول لهم ما نحتاج تخصصات جغرافيا حالياً.... ولكن على سنة 2020 راح نحتاج لان فيه معلمات جغرافيا كثار راح يطلعوا تقاعد ...... طيب وقتها الكلية تعلق القبول في بكالوريوس الجغرافيا... وترجع تفتحه على سنة 2015 او 2016... ويتخرجوا على سنة 2020 في الوقت اللي فيه احتياج ...... وطول هالمدة ، يتم التركيز على الدراسات العليا في الجغرافيا... أو مسارات أبحاث تخصصية في الجغرافيا.
كل الكليات الاهلية ، تخصصاتها تواكب سوق العمل... أمس في نفس المعرض اللي زرته ، اكتشفت ان جامعة عفت عندهم ماجستير في المصرفية الاسلامية... وهذا عليه طلب كبير جداً .... كم جامعة تقدم المصرفية الاسلامية كتخصص بحد ذاته؟ ولا وحده .
يعني تنعمل دراسات .... ولكن زي ما قلت كل ناس يشتغلوا بحالهم ولا فيه تنسيق.
الله يوفقك أختي المجادلة.... وربي يفتح بوجهك أبواب القبول ان شاء الله دنيا وآخرة
|