انا أقللك اخوي شغلة ونت احكم ,,
انا من الصبح الفجر اداوم اروح مع اخواني اوصل الجامعة 7 ,,
البريك اعيشه بحذافيره والكلاس كلاس ,, احضر الكلاس مو بس تسجيل حضور ,, هي ساعة كاملة ,, يعني لو تذاكر بالفاينل يمديك تخلص لك شابتر فيها ,, استغلها ونا اختك ,, التحضيري هاذي رفرش لمعلوماتك يعني كل شي درسته من قبل ,,
أخوي نصيحة لوجه ربك ,, المدرسين الخصوصيين ما ينفعون بشي ,, ونا ولله الحمد ما عمري جربت احد منهم ,, تدري لكل شخص طريقة بالفهم والاستيعاب ووصول المعلومة ,, وهالمدرسين الخصوصيين اسلوبهم واحد ,, والله انت ما تهمهم ,, اللي تهمهم قروشك ,,
من كلامك باين انك للحين ما اكتشفت قدراتك واستغليتها صح ,, ترى محد احسن من حد ,, انت احسن واحد بس لو قلت كذا ,, ربي ما خلقك ناقص عن اللي ياخذ الفل بشي ,, انت بس اعرف نفسك وديرها صح ,,
خلنا بالوقت اللي ما يكفي ,,
تدري ارجع الساعة كم ,, احيانا اربع ونص ,, وش اسوي ساعتها؟؟!!
انام والا اتغدى والا العب والا ايش؟؟!!
طبعآ ما يمدي لهم كلهم مع بعض ,,
ارجع اتغدى وارتب البيت وانظفه واهتم فيه واتناقش مع اهلي واقعد معاهم ,, واتحمم واسوي كل اللي فخاطري لين المغرب ,,
بعد المغرب يبتدي الجد ,,
ابدا امسك الكتاب صح ,, بس تسجيل أو ترسيخ مبادئ ومعلومات ,, فقط لاغير ,,
اعطي نفسي ساعتين أو ثلاث لو في اون لاين وغيره ,,
احللهم بحذافيرهم واحاول اخلص بدري عشان العب واتونس تاني هههه,,
احيان اخلص 9 ,, من 9 كحد اقصى 11 ,, العب وارجع اتونس واسوي اللي بخاطري ,, بعدين انام ,,
ارتاح نفسيا ومعنويا ,, سويت كل شي ارضيت عازفة الانسانة وعازفة الطالبة ,,
اتوكل على الله لا احرق اعصابي ولا هم يحزنون الا هالثلاث ساعات حق الاستذكار ,,
وبالنسبة للويكند ,, تنحرق الدراسة عسى عمرها لا راحت ولا جت ,, العب وتونس واطلع حرة اسبوع ,, المذاكرة تكون يوم الربوع كانه مثل اي يوم ثاني ,,
يوم الامتحان يمديني بيوم اخلص مذاكرة بس مسكة جنود وعسكر مو مسكة هياط ,,
تدري أخوي التوفيق بيد الله ,,
انت بس خذ بالاسباب ,,
ولا تقول ما يكفي الوقت ,,
والله اللي ما يكفي له الوقت هو النوم بغير وقته ,,
نومة العصر تجيب الهم وتضيع الوقت ,,
انت لك ساعات كافية نوم ,, مو لازم تكون العصر ,,
نومة العصر اللي تنامها ,,
اسأل نفسك هل هي من التعب ,, والا هروب من الواقع ,, ون كان تعب ,, ليش ؟؟ لانك سهرآآن .. طيب ليــــش؟؟!!
ون كان هروب فوين ارادتك وتحديك ,, ها ولا شي من حياتك كزوج واب ومسؤول ان شاء الله مستقبلا ,,
أخوي ,,
المذاكرة خلها شغلة تحدي قدرات نفس ورغبات ,, بتنجح ان شاء الله بتوفيق الله ,, وتوكل عليه وارضيه لان ربك ما يضيع احد ,,
اختك هذا اسلوبها بالحياة ,, ونا ولله الحمد على طول الاولى و معدلي 5 بالسمستر اللي فات << ماشاء الله يعني ,,
يعني هو شوية تنظيم ,, وعلى فكرة انا مريت بنفس حالتك قبل الحج ,, عانيـــــــــت والله عانيـــــــت ,, بس الحمد لله ربي وفقني وسهلها لي ,,
تدري ما كنت انام عدل ولا اذاكر عدل تعقدت من حياتي ودراستي ,, لكن ربي وفقني ورجعت لطريقي صح ,,
انا ممكن ازعجتك بالكلام عن نفسي لكن انا بوريك نموذج فقط ,,
مو عشان اعقدك ,, لا ,, انت والله تقدر تكون احسن مليون مرة مني بحكم انك فاضي ,, بس الموهيم تنظم وقتك صح ,,
وتتوكل عليه وحده ولا تيأس وتتخاذل وتتساهل ,,
وبالتوفيق والسداد و ان شاء من عالي لاعلى ..
فمان الرحمن
^^