[! سلطـــان !]

بخصوص الكتب بالعكس

الانتساب لازم تشترين الكتب بعكس التعليم عن بعد الكتاب يكون مضاف الكترونيا بنظام اسمه ايميس

يعني تقدرين تذاكرين من الايميس ... ثانيا الكتب اذا حبيتي تشترينها من جده اقرب لك من الرياض والدمام

وانا انصح تشترين الكتب بس اذا امكانياتك ما تسمح تقدرين تعتمدين ع الكتب الالكترونية الموجودة بالايميس + الملخصات

+ نماذج اسئلة لاختبارات سابقة لكل مادة وكل هذا تلقينه هنا مجاني

واذا ما تقدرين تشترينها من جده تراسلين اي مكتبة مثلا خوارزم او دار حافظ ويوصلونها لك عن طريق dhl طبعا مضاف لقيمة الكتب قيمة الشحن

الاختبارات تعليم عن بعد وانتساب كلهم اختباراتهم بجده بأستثناء :

طلاب السنة التحضيرية الي هي اول سنة يختبرون بمراكز تابعة للجامعة بالرياض والدمام وابها والقصيم

وطلاب كلية الاعمال برابغ يقدرون يختبرون بهذي المناطق

اختبارات الجامعة دائما تسبق اختبارات المدارس بأسبوع

مثال اختباراتنا الان تبدأ بتاريخ 1432/2/4 وتستمر اسبوع ... واتوقع اختبارات المدارس بتاريخ 16 ومثلها بالضبط اختبارات الانتساب

بخصوص مستقبل الشهادة هذي ارزاق حتى طلاب الانتظام ممكن يتخرج ولا يلقى وضيفه

على حسب تخصصك الي ترغبين فيه تكون قوة شهادتك

مثال تخصص الانجليزي هذا حتى لو مكتوب ع وثيقة التخرج دراسة كُتَاب امورك راح تمشي ان شاء الله ، نقطة مهمة انتي وش تبين تتخصصين لان ممكن التخصص الي تبينه ما يكون متوفر بالتعليم عن بعد ؟

غير كذا الكويزات بالتعليم عن بعد والواجبات سهله وممكن طلاب الشعبة الواحدة يتساعدون بالكويزات

ولا تنسين ان هذي الاختبارات عليها اعمال فصلية بعكس الانتساب

يعني تروحين للاختبار النهائي وانتي ان شاء الله ضامنه اعمال فصلية 40 درجة او 50 يبقى عليك 50 اختبار نهائي والنجاح بالمادة من 60 اقل شيء

الانتساب اختباراتهم على ورقة الامتحان من 100

في حل ثاني جامعة الملك فيصل اتوقع يعقدون اختباراتهم النهائية بالطائف

حاولي تسالين في منتداهم يفيدونك اكثر ورسوم الجامعة اقل من جامعة عبد العزيز

وعندهم نظام الان تقريبا مشابه للتعليم عن بعد بجامعة عبد العزيز وهو تقسيم الدرجات يكون 30 درجة اعمال فصلية والاختبار النهائي من 70 المجموع 100 درجة

بس يكتبون ع وثيقة التخرج انتساب مطور

بالتوفيق