امممم شوفي
انا كنت نفس حالتك بس بالعكس ههههههههههههه
اول مادخلت الجامعه فاول اسبوع قلت ما ابغى علمي..<<شافت بنات الدفعة اللي قبلها وخافت
اتخيلي ما شفت المنهج ولا شفت الكتب ولا دخلت لولا دكتورة بس لمن شفت البنات اللي عادت السنة واللي حاملة مواد واللي محولة اداري من بدري او متخصصين علوم اترعبت وقلت مستحيل اجلس علمي..ومن اول اسبوع رحت وحولت..
وبعدين على مدار السنة كنت طبعا مع صحباتي العلمي اشوفهم وكدا حسيت نفسي شي غبي بينهم..انا اللي ما ازاكر لان مناهج الادبي تافهه..انا طوال الوقت فاضية ولا سكاشن ولا شي وهما يتكلمو فشي وانا لحالي وما شاء الله بيجيبو مع اني عارفة انو انا مستوايا اعلى بحكم الثانوي..ندمت انو ما اعطيت نفسي فرصة :(
ومن بعد الدوري الاول وانا افحط ابغى ارجع علمي لووووووول << بتلعب البنت
قالولي ما نقدر نحولك وما اعرف ايش والكلام دا كلو..
رضيت وسكت =(
جيتهم ع الترم التاني قالولي زيك انو انتي اختبرتي وما اعرف ايش ولو انك ما اختبرتي وماما عصبت انو حتى انا جبت للادمية واسطات قد الدنيا وقالت مايجي..كلمت العميد نفسو وقالت ما ينفع =( رضيت للمرة التانية وخلاص بدأت دراسة الترم التاني واشتريت الكتب وكدا وانا خلاص قلت راح اكمل دا الي ربي كاتبلي هوا..
فجأة..وانا فالمحاضرة وحدة صاحبتي ابوها دكتور فالجامعه..دخلت عندنا فمحاضرة الادبي وقالت للدكتورة يادكتورة انا حولت جديدة وابغى احضر عندكم..انا طلعت عيوني :@ انا اعرف البنت وهيا حاملة مواد اصلا بس ناجحة فمواد كيف كدا؟ نطيت عندها كيف وما كيف قالت رحتلهم قالولي مافي تحويل وبابا كلمهم قامو عملولي سحب ملف وفنفس الوقت سحبو ملفي وبعدين رجعو سجلوني ببطاقة جديدة اني طالبة علمي..ولغولي البطاقة القديمة :)
طبعا رحت وكلمت ماما ومنقهره انا انو ليه ناس وناس؟؟ طيب هيا عندها واسطة مثلا انا كمان عندي واسطة :( ولا عشان واسطتها ابوها..وماما رجعت كلمت الواسطااات لوول وقالولها لا ااحنا ما يرضينا وكلموها وهيا فالنهاية فتفحت وقتها التحويل من علمي لادبي وما شاء الله بنات كتير حولو =) طبعا بنفس الطريقة وانا كنت الوحيدة اللي من ادبي لعلمي لوول..والحمد لله اني حولت :)
ما يستفاااااااااااااااااد..
روحي..واطلبي منهم انهم يسوولك نفس الحركة..لانو انتي لو استنيتي للسنة الجاية راح يقولوك ماينفع الا بعد ما تختبري قدرات وتحصيلي =) يصير تبدأي على الترم التاني فهميهم قصتك كاملة ادخلي عند نور بادياب مدري باديب وكلميها وازا قدرتي تبكي شويا يكون احسن ههههههههه ترى هيا طيبة وتمشي بالزن..فزني عليها وبينيلها انو مرة محتاجة وانو دا مستقبلك حرام يضيع وكدا..وترى هوا عموما في تسجيل للترم التاني بس اتوقع انو خلص بس انتي روحي واتاكدي =)
الله يوفقك ويوفقنا جميعا..:)