والله يا اخوي ذكرتني بخاطره كتبتها
واضنها معبره لحالنا بعد التخرج والله يجيب اللي فيه الخير
يوم انا طالب
في أول أول سنيني
كانت احلامي في يدي
والمستحيل... أقرب قريب
كنت ..
احلم ....
يوم
طيار
ويمكن أكون فنان
لا ..
بصير شاعر
ومذيع مشهور
ويوم قررت
قلت : يمه خلاص
بصير طيار
يمه ..يمه
معاشه كم
قالت : كثير
قلت : كم
قالت وهي تضحك:
عشرين
ويمكن
ثلاثين ريال
انصدمت وانهبلت
قلت : الله كثيره
خلاص انا لاصرت طيار
ابي أعطيك من العطا الي تبيه
وأشتري كوره .. ودراجة
وأساعد جارنا سعد
فقير ومعدوم
وأعمر شوارع حارتنا
وأزرعها أزهار .. وأشجار
ايه ... يمه
تذكرت
تعرفي صاحبي محمد ولد فلان
هذاك الي بيتهم في أخر حارتنا
قالت :أيه
قلت : مسكين
نفسه يشوف أبها والباحة
خلاص
انا قررت ...بحقق أحلامه
مرت الايام
والآمال ..أقرب قريب
ما يبعدها عني الا السنين
ويوم اني تخرجت
هقيت اني وصلت
عرفت اني اتبع امل كذاب
أحلامي اللي مضت
صارت يالله في وظيفه والسلام
ومطاليبي ماتقوى عليها
لا وظيفه ولا ثنتين
هنا ....عرفت ان ألاحلام انتهت
وصارت سراب
وان تذكرت
صاحبي محمد ورحلته
وزينة حارتنا
ضحكت
وقلت : أحلام الطفوله صدق
وهي اكبر من سنيني
وأعلى من سماي
بقلم بريق الألماس" نيشان ابو يوسف "