[Dina-s-b]

اهيء كتبت رد طويييييييييل واتمسح =(

عموما اختصار الرد انو دا اللي بيصير اسمو غشش..
غريبة طلاب مسلمين جامعيين وما يعرفو انو دا غشش..!! عجيب والله

وبالنسبة للي بيسألو انو بأغش مين..انت بتغش المدرس اللي هوا صاحب الطلب..هوا طلب منك تحل الاسئلة بنفسك وانت ضحكت عليه وصاحبك حلها وانت مجرد انك نقلتها =)

بأعطيكم مثال..انت واحد رحت بستان..فيه فواكه..ورحت للرجال قلتلو ابغى من فواكه هادي الشجرة بالتحديد ورجاءن لا تجبلي من اي شجرة تاني..ووضحتلو انك ماتبغى من شجرة تانية..راح هوا جاك واعطاك من شجرة بستان تاني وقالك هادي من الشجرة اللي انت طلبتها..كدا تعتبر غشيتو ولالا؟؟
انت بالزبط بتسوي كدا..تحط معلومات مو من مجهودك وتقول هادي مجهودي انا =) حتى لو صاحبك راضي بس المدرس مو راضي ولا ليه متعبين نفسهم وحاطين مراقبين ويقولولكم لا تغشو..؟ بيستهبلو معانا؟؟؟؟؟؟؟؟

انا مو منزهه انا كمان صار اني غشيت كتير..والحمد لله في الجامعه احس مستحيل اني اغش عشان كدا ما صار اني غشيت لانو شبه مستحيل الغش..بس بلاش نضحك على نفسنا ونسوي فيها انو احنا مقتنعين انو صح..الصح انو حرام الغش..ودا اسمو غش مو مساعدة..بتتحايلو على ربكم؟؟؟
الغش معصية زي لمن تسمع اغاني ولا زي لمن بنت تكلم ولد غريب عنها احنا محنا منزهين عن الاخطاء..بنعمل اخطاء واحنا عارفين انها حرام ومستحيل احد يقول هادي حلال والغش نفس الشي كيف جالسين تحللوه..؟؟؟؟؟؟
ترى كل واحد محاسب على الكلام اللي بيقولو..بتستهبلو على ربكم انتو؟؟؟؟؟؟؟؟
صايرين اخص من اصحاب السبت..!! استغفرو ربكم قبل لا يخسفكم ترى ربي ما يرضى باللي يضحك عليه!!
اعترفو انكم بتغلطو بس قولو انكم تبغو تكملو فالغلط ولا اسكتو ولا تعلقو ولا انكم تقولو لا هوا حلال لا هوا ما اعرف ايش لان الطفل الصغير لو سالتو حيقول حرام..عجيب من جد اول مرة اشوف كدا..الله يستر علينا بس لا ربي يخسفنا من الناس اللي كدا =)..!!
الله يهديكم من جد..اول مرة فحياتي اتوقع انو في ناس قويين عين للدرجة هادي لوووووول..
الله يهديكم بس =)