[Dina-s-b]

انا جربت الصيفي =)
بالنسبة للدرجة ما اعرف لانو انا ماكنت حاملة مواد بس اللي سمعت ما تتاثر
كانو بنات التاهيلي عادي مع الانتظام..اصلا انتي تختاري الشعبة اللي تبغيها لو في اكتر من شعبة..بس كانو عموما بس وحدة دكتورة تدرس كل مادة بس تستفيدي تختاري الايام والساعات
طبعا الوقت زي ماقالو..ضعف الوقت =)
الاختبارات اختبرنا اول وتاني ونهائي..مو اختبار واحد..
اممم..المنهج انا اخدت رياضيات وحاسب.بس الحاسب كانت الدكتورة مو مهتمة مرة ونطت اشياء كتيرة لانها هيا حطت الاسئلة..
بس الرياضيات كان زيو زي الترم العادي
اخدنا هوم ورك اون لاين..والكتاب كااااااااااااااامل..والسكاشن قالو حلوها يجي الاختبار منها بس الفرق انو نحلها بنفسنا محد يشرحلنا :(
الاختبارات كان مستواها عادي..حتى في بنات كانو حاملين مواد اعرف بعضهم حملوها مرة تانية وناس جابو اقل مني وانا اول مرة اخدها واللي فهمتو انو نفس مستوى الاسئلة منهم :(
بس ما اعرف هيا الماث بس ولا كمان الفيزيا =)
بس الفيزيا عموما ما كان فيه احد يشتكي منو
والدكاترة كلهم كانو ممتازين ومتعاونين..حتى اللي مادرسوني لان صحباتي قالولي :)