[M7mmd]

المشاركة الأصلية كتبت بواسطة الســـــــ لعيونك ـــآهر مآ ينقصنآ هو: آدخآل المنآهج الانجليزيه من الصفوف الثآنويه

1+

لما تكون دارس 12 سنة باللغة العربية فجأة تنصدم بالأنجليزي

عشان كدا اول اختبار دوري كل سنة بيكون مصيبة على الطلاب كلهم

يعني مثلا الماث اتخيل انو احنا لما دخلنا تحضيري كنا عارفين كل المسميات الانجليزية

المشكلة انو احنا قدنا دارسين كل اللي اخذناه السنة هذي في الثانوي بس كان كأنو اول مرة عشان اللغة فقط

----

انا عندي نظرية عن التحضيري

في التحضيري لاحظ ان الدكاترة ما يعطو الطلاب وجه " عند البنات اكيد النظام غير "

واحسهم لو جا طالب يفك معاهم موضوع احس انهم يبغو يقفلو الموضوع بسرعة وما يبغو يردو

الا من رحم ربي > " زي دكتور فؤاد ملاوي الله يحفظه "

وكمان شوف حركة مواقف السيارات اللي تحت مبنى 31 .. في الصبح مقفلينها

بعدين على الساعة 9 يفكوها .. يعني بالله اللي جاي بدري يخلوه يوقف كم كيلومتر بعيد عن المبنى

واللي جاي الساعة 10 ومتأخر وحالته حاله هو اللي يلاقي احسن مواقف تحت المبنى مظللة؟

الخلاصة هي انك مارح تحس انك آدمي وطالب جامعي الا لما تتخصص

دحين كأنك في 4 ثانوي في مدرسة في غليل