[أخرالاخبارخلي مايبيني]

أخواني وأخواتي,,,

لاحظت أنو فيه عندكم لبس كبير في موضوع أعتماد الشهادة بالنسبه للمنتسبين وموضوع التعليم عن بعد وحبيت أوضح لكم وأطمنكم

اولا,,: شهادة الانتساب بالجامعه معترف فيها في كل الجهات الحكومية وأولها وزارة الخدمة المدنية ولكن اللبس الحاصل لديكم هو في موضوع الاخوان والاخوات اللي يبغون يقدمون الشهادة للتدريس وهذا طبعاً مستحيل غير على نطاق ضيق وهو تدريس الانجليزي اللي لسه ما قدروا يسدون أحتياجه حتى بشهادات المنتظمين ونرجع على كلمة مستحيل؟؟ ليش مستحيل لانو قوائم الانتظار في وزارة الخدمة بمئات الالاف من المنتظمين اللي مقدمين ولا حصلو وظايف تدريس وطبعاً لهم الافضليه في التقديم عن المنتسبين وهذا معروف من زمان وليس معناه انو شهادة الانتساب غير معترف فيها ولكن زي ماقلت لكم انها الافضليه فقط..


ثانياً,,: نظام التعليم عن بعد هذا نفس نظام الانتساب ولكن بشكل مطور من حيث طريقة الدراسة اللي راح تعتمد على الانترنت يعني ممكن تحضرالمحاضرات عن طريق الدخول لموقع الجامعة وتشوف وتسمع المحاضرة وكأنك جالس معاهم وممكن تسجلها وتسمعها بعدين وأفضل شئ في النظام الجديد انو راح تكون هناك مراكز أختبارات في المناطق زي ماهو معمول فيه بجامعة الامام يعني مو بس السنة التحضيرية ولكن حتى تتخرج وانت في مدينتك تختبر..

ثالثاً,,: المنتسبين الان اللي سجلوا خلاص ماراح ينطبق عليهم نظام التعليم عن بعد راح يكملون الانتساب حتى التخرج والدفعات الجديده هي اللي راح تكون تعليم عن بعد فقط..


هذا ما أحببت أني اوضحه لكم وعسئ الله يجعلكم من الناجحين والمتفوقين يااااااااااااارب