[د. هدّولا]

شوفي ايش أخطائك اللي سويتيها في السمستر الأول
اتجنبيها

لأن غالبية الطلاب والطالبات بغض النظر عن الخطة أ او ب
لكن اول ترم بالجامعة تكون فجعة ومو متعودين وتخبيص وبكا وحالات نفسية صعبة
أما التاني فيكون إن شاء الله اسهل

السنة التحضيرية والله حلوة بالخطتين وكلهم سهلة وتافهه
وتقدري تجيبي فيهم الاتنين 5 من 5
بس هي يبغالها ذكاء .. خليكي نبيهه ولا تضيعي فرصك
واستغلي وقتك ...
وأهم شي أهم شي مو شرط تزاكري كل يوم وفيها وقت فاضي كتير
ممكن تزاكري كل شابتر بشابتر
بس أهم شي لا تخرجي من الكلاس مو فاهمة
اذا مافهمتي في وقتها اسألي الدكتورة او صاحباتك
على الأقل يصير نهاية الشابتر كله فاهمته بس اللي عليكي تحفظي وترتبي أفكارك وتبدأي تحلي مسائل


أهم شي في الاحياء التست بانك
ترا انا جبت درجات عالية في الدوريات بس جيت في النهائي
لأني بس زاكرت الجزء التالت فنقصت كتير ...
وانتبهي تصمي لازم تفهمي ايش هرجة السؤال لأنه في الاختبار عادة
يجيبولك سؤال او سؤالين مغير شوية في صيغته يستعبطو معاكي
بس ترا يجي غالبا سهل ومفهوم


والإحصااء مررة تاافه بس هي الأفكار كلها في شابتر 4 و 6
والباقي مررة حلو ركزززززززززززي فيه على اسئلة السنوات اللي راحت

أما الكيميا اللك والعجن كله في شابتر 8 و9 و10
لكن الباقي والله مرة سهل وحلو .. وبرضه تقدري تجيبي الامتياز في المادة
زاكري أي شي للدكتورة ليلى الحربي واكرام دانش



والله يوفقك ياقمر