[Sarayeffo ..~]

موضوع جميل ، ورح ابدي رأيي و اتمنى الكل يتقبله بصدر رحب ^

انا من مؤيدين السنة التحضيرية و اشوف انهآ مفيده و نظامهآ ممتآز جدآ
لكن اكيد مآيخلو من السلبيات ،،

اعارض اللي قالوا نكتفي بنسبة الثانوية العامه و لا تحضيري و لا تحصيلي و قدرات
عن نفسي ما اشوف ان الثانوية العامه تقيس مهارات الطالب و قدراته
يعني استعجب الصرآحة ، بنات جايبين في التسعينات ، 96 , 97 , 98 و مين يزود
و في القدرات في الخمسين !!!!!!!!
و في التحضيري الاختبارات الدورية درجات تحت الـ 15 !!!!
طيب كيف ؟؟ معنى الكلام هذا ان في خلل في الثانوي ،،
درجة الثانوي ماتقيس قدرة الطالب و مستواه العلمي كجامعي ، انا هذا رأئي

و أؤيد بشكل كبير التحصيلي و القدرات مو بس التحضيري ، التحصيلي و القدرات توحد مابين الكل ، مابين جميع الطلاب
بحيث انه ما يكون في ظلم او غش ، الصراحه الثانويه ممكن يكون فيها دف و ممكن حد يآخذ درجات اكثر من اللي هو مستحقهآ
و ممكن حد تجيله ظروف وينظلم و ممكن حد يكون من مدرسة اهليه و و و ، يعني الظروف مختلفه
وين يجي الطالب يثبت نفسه ، عند القدرات و التحصيلي
ياخي لو انا ممتازه و فعلا مستواي عالي ، من ايش خايفه !!!!
لو مو سنة تحضيرية وحده لو 10 تحضيريات ، اقدر اثبت نفسي

و السنة التحضيرية بالفعل تقيس مستوى الطالب الجامعي ، اللي يبي طب و مشتكي من اللغة الانجليزي ، من متى
كان الطب بالعربي !!!
اذا مواد ماخذينها في الثانوي و دروس معاده و تشتكو منها و صعبه و انجلش ، كيف لو دخلتوا طب !!

في كلمة قالتها الاخت اتعبني طموحي :

المشاركة الأصلية كتبت بواسطة اتعبني طموحي وع فكره ترى مستوى الطالب في دراسة الجامعه يختلف كثير كثير عن المدرسه يعني فيه ناس شاطره ايام المدرسه ولماتدخل الجامعه يتغير المستوى للاقل والعكس صحيح ..

الكلام هذا يثبت اهمية السنة التحضيرية مع ان اتوقع ان هي كانت تبي توصل فكرة معاكسه ^
لما انا اقيس مستوى الطالب بناءا على السنة التحضيرية هنا انا اقيس مستواه كطالب جامعي
فبالتالي مارح يدخل التخصص الا و هو فعلا قادر عليه و يستحقه

سنة ناجحة جدا و حتى اختيار المواد ناجح جدا ، يفيدك لو دخلت في اي تخصص
اللي يقول شسوي في الرياضيات و انا بدخل طب و شسوي في الاحصاء و انا بدخل طب اسنان
و شسوي في الحاسب و انا بدخل هندسه ،،
ترى هذا نظام موحد في جميع الجامعات ، لي صديقة تدرس طب اسنان في كندا و الحين هي اول سنه و تاخذ فيزياء و رياضيات
و ثانيه تدرس طب في جامعه اهليه و عندها احصاء ،، هذا و هم متخصصين يعني هذا نظام موحد

المناهج ممتازه ، مناهج عالمية موحده
كل العالم الحين صار يدرس باللغة الانجليزية ، جميع دول الخليج الدراسه الجامعية بالانجلش
و تدرس ليفلات مثلها مثل جامعة عبد العزيز
و اذا كان التوفل شرط من شروط القبول في الجامعة ،
من غيره ما تنقبل في الجامعة ما تدخل لاتحضيري و لا غير تحضيري
مثل نظام باقي الجامعات
طبعا هالشيء رح يفيد الطالب من ناحية انه لما يدخل بتسهل عليه الدراسة بالانجلش
لكن لما تشوف نفسك ضاعت عليك سنة و سنتين و ثلاثه و انت مو قادر تجيب التوفل و لاتنقبل
لمجرد اللغة و انت ممتاز في المواد العلمية رح تتمنون نظام اللفلات اللي جامعة عبد العزيز

و السعودية طبقت نظام الثانوية بالانجلش
فبالتالي رح تكون السنة التحضيرية من اسهل سنوات الدراسه ،،

خلاص كفايه الواحد يتذمر يتذمر يتذمر ^
مافي شيء الا و بدايته صعبه ، الواحد يجتهد و لا ييأس و بإذن الله يوصل للهدف :)

يعني استغرب الصراحه تذمر من الصبح لليل و دعاوي ماتخلص عالنظام و عالسنة التحضيرية
و عالجامعه و عالدكاتره ، و اللي تبي ابتعاث و اللي طب و هم مو قادرين على السنة التحضيرية !!!

كل اللي عليكم مذاكره اول بأول ، وعدم اليأس
و في النهاية كل واحد مارح ياخذ اكثر من اللي مكتوب له

،
،