وعليكم السلام ورحمة الله وبركاته
بالنسبة للدكتور محمد زين دكتور جدا طيب وخلوق وسلس في التعامل ما يحب اللف والدوران في الاسئلة بتاتاً 1+1 =2 اسئلته سهلة واحيانا من كتر من هيا سهلة وواضحة يحس البعض انو الحكاية معقول بالبساطة دي تقوم تبدا الفلسفة ويغلط
وغالبا اسئلته في الدوريات متنوعة بين جواب لا يتعدي كلمتين و تعريف لا يتعدي سطرين وصح وخطأ وحل مسألتين مواريث في حال وصولك الى قسم المواريث .. اما في النهائي فالاختبار كله اختيارات كل خيار بدرجتين .. ويحب يزودك درجات من خلال تكليفك ببعض التكاليف البسيــــــــــطــــه احرص انك تسويها فمثلا احنا اعطانا 8 درجات بونس على تكليفين.. طبعا شرحة ايضا كويس وعموما المواريث سهلة جدا فهي تستند على قاعدات اساسية تمشي عليها طول الخط .. منهجه في توزيع الدرجات 20 دوري اول( قسم الوصايا) :: 20 دوري ثاني في (جزئية من قسم المواريث) :: 40 نهائي في (كل ما اخذته مع الدكتور) :: و10 مشاركة :: 10 بحث بسيــــــــط لا يزيد عن 3 صفحات ولا يقل عن صفحة وعموما شعار الدكتور دائما >> (( الاختصـــــــــــــــــــــار سواء ببحث او تكليف او اجابة على سؤال يحب الزبدة ما يحب الدش والكلام الزايد يعني مثلا لو زدت عن 3 صفحات في البحث ينقصك )).. اما بالنسبة للبنات 20 درجة لبحثين فاستبدلت ال 10 درجات مشاركة ببحث ثاني ايضا ما يزيدوا عن 3 صفحات لكل منها وما يقلوا عن صفحة .. واكتب معاه المحاضرات فهو ما يخرج عن نطاق ما اعطاك في المحاضرة واحرص زي ماقلتلك على البحث والتكاليف عشان تضمن درجات .. انا عن نفسي انصحك بيه دكتور جدا ممتاز ويعطيك حقك وزيادة .. اعذرني طولت بس عشان ان شاء الله يستفيد باقي الاخوان والاخوات الي يبغوا يضيفوا المادة خصوصا انو الدكتور محمد لمن كنا نسأل عنه في الاترام السابقة كنا ما نلاقي ردود او اذا في ردود سطحية جداً
.. بالتوفيق ان شاء الله للجميع..