[lovely one]

المشاركة الأصلية كتبت بواسطة خالد9921 وعليكم السلام ورحمة الله وبركاته اول شي انا اهنيك انك حددتي المشكله عندك وعندك إيمان بصحتها وهذا اول طريق للحل .. ما ينفع اقول ليش ليش وانا ما اعرف السبب ! بالنسبة للحل اول شي انتي لازم تعرفي حجم الجديّة اللي لازم تكون عندك للمرحلة اللي انتي فيها هل الجديّة لما اكون بثالث متوسط لازم تكون زي الجديّة بثالث ثانوي او التحضيري ؟ طبيعي لا لأن ممكن اعدي بأبسط الطرق بالمتوسطه ولا اتأثر الا من ناحية التحصيل بس لكن كمصير لا فرق بينها وبين التحضيري شوفي الإنسان الناجح بالحياه مش على طول يكرف والا دافور ماحد يقدر يكون كذا لابد يكون للمتعه وقت معيّن والراحه والفرفشه والتسليه .. الخ بس تكون مسألة تقديرية على حسب انا انسان موظف طبيعي راح انبسط بعد وقت الدوام كلوو الين الصباح للدوام مره الثانيه لانو ما عندي مذاكره ولا شي كل تطبيقي بالدوام بس ! بس انا بالتحضيري اول شي لازم اعرف انو عندي امور لازم اراجعها كل يوم او ابسط الايمان كل 3 ايام او ويكند مصيبة كبيره اذا اجلت العمل بالتحضيري لاسابيع ولا ذاكرت لانو انت جالس تاخذ حاجات فوق بعض مافي وقت للتدارك لو اهملت وهذا اللي يصير مع اهل المعدلات النازله .. عقولهم نظيفه بس انحشرو بالوقت وصعبو الامور كثير ع انفسهم انا ما اقولك لا تستمتعي بحياتك بالعكس انبسطي علشان نفسيتك ترتاح بس اهم اهم اهم اهم شي خلك عندك اولويات بحياتك انو مثلا خلاص يوميا من الساعه 8 العشاء لما 10 هاذي مذاكره ومراجعه لدروس اليوم لو ايش ما يصير لو يصير تفجير جنب بيتنا لا يمكن اترك الهرجه هاذي واطنشها ايضا صاحبتك عالنت او المسن ,, او التي في وبرامجه برضو اولويات لازم تكون مش مهمه عندك بقدر الوقت اليومي اللي اتفقنا عليه للمذاكره فـ خصصي الوقت هذا زي ما قلت لك واعطيه حقه ذاكري من قلب مش بسرعه وبعدها عادي استمتعي وخذي راحتك ..يعني ترتيب اولويات بس الاهم ثم الاهم ثم المهم .. وما انسى شي مهم كمان .. لا يأثر عليك المحيط اللي عندك يعني انا مثلا اصحابي بعضهم خريج وبعضهم موظف طبيعي كل يوم بيقولي الوو خالد يلا تعال القهوه وهذا اللي يصير .. ما وراه شي زيي ! ف طبيعي هنا اسحب عليه واصرفه ههههههههه مشكله لو اتأثرت بيه انا حأضيع هوا لا فأنتبهي انو تشوفي اختك فالتها مثلا او صديقتك او او .. قد يكون وضعهم مش زي وضعك بالوقت الحالي انا اقضي يومي عادي اصحى الصباح اصلي فجر ويمكن ادخل نت عالسريع قبل الدوام وبعدين اداوم ارجع مهلوك انام شويه واصحى ع صلاة المغرب او العشا اكل شي خفيف واذاكر اراجع حق اليوم كلوو صح ومن قلب بعد كذا وربي ما انكر اني اخربها وادشر دشره ما تخطر ع بالكم هههههههههههههههه الين 1 مثلا وانام بس لاحظتي كيف انو اول شي عندي المذاكره وبعدين الفله ! بالتوفيق خيتو وسوري عالاطالة

تشكر عالاطاله
و فعلن لازم اركز على اولوياتي و اخليها دايمن قدام عيني
ولازم اكون جاده و ملتزمه بقرارات التغيير الي حتخذها
الله يساعدني و يصبرني
جزاك الله خير يا خالد على ردك الوافي الله يسهلك امورك كلها يااارب ويخترلنا الي فيه الخير
شكرا مره تانيه