[RHF]

>>> تبا تقول اللي في نفسها

اففففففففف

اول حاجة انا كنت خطة ب الموقرة

بالنسبة للكيميا // دكتورة : الهام باعيسى

مممممم والله كانو في بنات يفهمو منها ،، انا حضرت في البداية ،، شوفت انو مافي فايدة والله ، في اليوم تخلص شابتر و تخش شابتر تاني و مدري ايش ،، احس انها تبا تشرح و تخلص و دا اهم شي عندها !!

الكل ينصح بدكتورة : ممممم اكرام دانش


المهم دي يقولكم ، لمن تيجو تدخلو المحاضرة ،، تخلي بنت ليدرة ،، تقوم تشوف مين معاها و مين الي حاشر نفسو في المحاضرة ،، خخخ و يلا كل وحدة و كرامتها

،،،،،،،،،


الاحياء // كانت اسمها مممممم دكتورة حنان الشاذلي

والله غلبانة كانت تشرح من قلبها ،، كل شوية ،، تتكلم عن الجواز و البنات الي يتجوزو و الي ما اتجوزو بعدين تقول : بس موش دي الوأتي ،، انتو تحديري مافيش قواز << ه ه ه ما يضحك ،، بس كنا دايمن نتحمس معاها و ننقهر لمن تقول كدا

كانت تشرح كل شي كل شي كل شي ،، لكن الصراحة انا ما اعتبر انو الاحياء يهم الشرح ،، ما عليك غير انك تحفظ التست بانك

كانو البنات يحضرو المحاضرات ، و يكتبو كل حرف تقولو الدكتورة ،، بس الصراحة زيي زيهم او امكن انا احسن منهم

لانو الموضوع كلو انك تحفظ التست بانك !!

< رأيي شخصي

،،،،،،،،،،،،،،،،

الاحصاء ،// كونت مع اوستازة : نهلة عبد الجبار

والله كانت طيبة و شرحها مرة تمام ،، ازا احتجتي اي حاجة ما تقصر الله يعطيها العافية

تحاول تقول كل الافكار ، اي سؤال تلاقيها حاضرة وتجاوبك

،،،،،،،،،،،،،،،،،،،،،،،،،،

بالنسبة للانقلش ،، كان مع دكتورة : نائلة رجب

درست ليفل 2 و 3 مع نفس الدكتورة << الحظ لو جاكي يجيكي مرة وحدة

تششششششششرح من قلبببببببببببببببها فوق ما تتخيلو ،، تنسا نفسها وهي تشرح ، ادق التفاصيل

وطول الوقت تزكركم : ذيس از بريتش انقلششششششششش

كل حاجة عندها بريتش بريتش

ممممممم والله مرة كويسة الدكتورة بس صراحة تطفش وهي تعيد و تزيد في نفس الشي









الله يوفقنا جميعا


اخوية السامر // موضوع مررررة حلو ،،
تحس كل واحد بيقول رأيوو في الدكتور او الاوستاز اللي درسو في الترم الماضي
ومنو نستفيد من رأيي بعضنا


موفقين