[! سلطـــان !]

عليكم السلام ورحمة الله وبركاته

الحذف والاضافه موجودة عند الطلاب انا ما جربتها للامانه لان عندنا مافي ابدا لا حذف ولا اضافة

بس في خويي تخصص انجليزي وذكرلي انه حذف مادة بس كان عن طريق الجامعه

يعني يبيلك تروحين للجامعه او تتصلين فيهم وهم يضيفون ويحذفون لك عن طريق الموقع ما اعتقد تقدرين الا اذا فعلوها الترم هذا مدري

النقطة الثانيه

اختيار الشعب او الاساتذة هذي للاسف ما اظن راح تفعل يعني راح يجبرونك ع استاذ رضيتي او ما رضيتي

الاسباب كل استاذ يكون مسؤول عن تدريس مادته بشعبة معينه مثال مادة المحاسبة

اذا كان عدد الشعب بالتعليم عن بعد (تخصص ادارة اعمال ) 4 شعب مثلا ممكن يكون في استاذين لهذي الشعب بمادة المحاسبة

والطالب ممكن يختار شعبة من هذي الشعب

طبعا بمثل وضعكم كم عدد الطالبات بتخصص الانجليزي مثلا ؟

اكيد قليل ومستحيل يفتحون اكثر من شعبه ماراح يفتحون شعبه ع ثلاث اربع طالبات وشعبه ثانيه ثلاث اربع طالبات

الحل الوحيد عندكم اذا شفتوا اي تقصير من اي استاذ تتقدمون بشكوى لعميد التعليم عن بعد او للدكتور داوود مشاط

وتطلبون تغيير هذي الاستاذة او الاستاذ

الله يسهل ع الجميع