[Remoo]

بسم الله الرحمن الرحيم ..
اختي لما شفت موضوعك تذكرت قصتي المؤلمه و حبيت اساعدك لوجه الله واذكر قصتي مع هالقسم ..
واذا إن شاء الله لك فيه خيره ونصيب بيقبلوكي فيه واذا مالك نصيب لاتعترضين عالقضاء والقدر وارضي بنصيبك فيه او بغيره ,,,
انا صار لي مثلك بالبدايه وكان معدلي اعلى منك
واختبرت اختبار قبول وقبلوني بالقسم لكن تمنيت اني مادخلته ولا قبلوني فيه
مو تحطيم لكن هذا الي صار لي ....
صح فرحت لما قبلوني لكن بعدها للاسف ندمت عاللحظه الي قبلوني ..
وتمنيت ماتعبت كل التعب وجبت هالمعدل لانه بسنه واحده بس نزل معدلي بشكل فظيع
انصدمت وتعبت نفسيا ومريت بأزمه لايعلم بها الا الله
لانه اخترت هالقسم بناء على اني مقتنعه اني إن شاء الله قده
وعندي قدره اني اجتازه بنجاح لدرجه ماكنت بالمرحله المتوسطه والثانويه انقص اكثر من درجه فيه
ودايم علاماتي عاليه حتى بالمواد العامه بالجامعه elca 101 102
كانت درجاتي عاليه وبالدورات الي اخذتها كنت نوعا مو سيئه لدرجه الرسوب لكن القسم هذا شعار
الاستاذات او الدكتورات فيه ما تفتخر الا اذا رسبت اغلب الطالبات وللاسف تبين انها مستمتعه بهالشي
ونجحت ثنتين او 3 او 4 او10 اذا كثرت والباقي يتعب ويشقى ...
وللاسف جهوده تروح عالفاضي تعبت وسهرت وكافحت واخذت اكثر من دوره تأهيليه ..
وبالاخير نهايه الترم القى f بوجهي
وللعلم لم اسكت عن حقي راجعت اوراقي وصورتها
وعرضتها على اكثر من استاذه اخررى خارج الجامعه وكلهم قيمو ماقدمته عالورق باكثر من 80 درجه
ونصحوني بتقديم شكوى لانه ظلم بكل ماتحمله الكلمه من معنى ..
وفعلا لم اتهاون بتقديم شكوى ولكن للاسف
اذا رئيسه القسم عاجبها الوضع فعلى مين نتشكي ونرجي الحق ..

صدمت انا وغيري كثير صٌدموو ..


ويالله انواع المصالح وشي ماكانت اتوقع اني بشوفه بحياتي ..

ويعلم الله بعد ماحولت لكليه الاداره والاقتصاد التي افتخر بان اتخرج منها باني لم ارى منهم الا الخير

صحيح فيه اخطاء وزلات ولكن لاتضاهي تلك التي كانت بقسم الانجليزي ..

لكن الحمدلله على كل حال استفدت خبره وتعلمت الصبر
لانه الصبر عالظلم بالدرجات شي عظيم عند ربي ارجو انه محد يستهين فيه ابداااا ,,,
اتمنى قبل كل شي انك تستخيرين ووتتوقعين اي شي من هالقسم
يعني ممكن تكونين brof بس برضو ممكن يرسبوكي
ولازم تسالين الي عندهم خبره بهالقسم ..
واذا حابه اساعدك خذي راحتك انا جاهزه لاي استفسار ...
وخذيها نصيحه من اخت محبه لك وتتمنى لك الخير
طالما قدمتي الاختبار وسويتي الي عليك وبرضو ماقبلوكي ممكن هذا يعني انه مالك نصيب فيه
ولكن ارجعي استخيري وروحي لدكتوره سلوى الغالبي احتمال كبير تفيدك ...
... اتمنى ماتنزعجين من ردي ومن صراحتي لكن ربي العالم انه انصحك مثل اختي واكثر ومن خوفي يصير لك مثل ماصار لي وصار لكثيرين اعرفهم ..

واحتمال انه نصيبك فيه وانه ربي يوفقك فيه ويسهلك ومحد داري ووش يخبي له المستقبل كله بعلم الغيب
انتي بس استخيري وسوي كل الي عليك والباقي اتركيه على الله ولا تنسين ..

( ومن يتوكل على الله فهو حسبه )

اتمنى التوفيق لك وللجميع يارب ......
وشكراااا ,,,,