وعليكم السلام ورحمة الله وبركاته
انا اخذت هادي المواد الا سالتي عنها الترم الا فات
بس لسه ما خلصت اختبارات
الله يعيننا ويوفقنا يارب
قواعد البيانات1
اخذتها مع دكتورة منال .. وماشاء الله شرحها كان مرررررة حلو
الاختبار الدوري الاول كلوا كان نظري يعني احفظي الا في السلايد ونفسوا تماما يجي
الاختبار الدوري الثاني كلوا فهم ما فيلوا ولا حاجة حفظ الصراحة كان وسط بالنسبة ليا
النهائي كان فيلوا جزء بسيط نظري تعاريف وااشياء مررة واضحة والباقي كلوا فهم
بالنسبة للاب اخذتوا مع استاذة ريم العتيبي مررة كان حلو وفيلوا مشروع
واختبارها كان مرة روعة مرة سهل
تحليل وتصميم النظم
اخذتها مع دكتور وجدي ..
اختبرنا بس دوري واحد كان كلوا صح وخطا وضعي دائرة
والنهائي لسه ما اختبرناه .. ان شاء الله يكون حلو
بالنسبة للاب اخذتوا مع استاذة هند مرة عسولة وطيوبة
وما في اختبار في اللاب بس في مشروع
الرسم بالحاسب
اما هادي المادة الفنانة اخذتها مع دكتور الحسنين
طبعا ما فهمنا منها شي
بس الدوري الاول والثاني كان مرررررررررة حلو
عقبال النهائي يارب لانوا لسه ما اختبرناه
بالنسبة للاب اخذتوا مع استاذة عبير
الاختبار النهائي كان حلو بس اجهزة المعمل كانت خربانة وسببت لنا مشكلة
اما المشروع مهو مرة صعب كلوا كان بحث من النت
بس المشكلة كانت في المناقشة .. كانت تسال عن كل حاجة
نظم التشغيل
اخذتها مع دكتورة لمياء فتوح
الصراحة مرة سريعة في الشرح واحيانا كثيرة ما تلحقي تكتبي معاها ولا تفهمي هيا ايش بتقول
بس في كلام مهم تقولوا لازم تكتبي معاها لانوا تجيب منوا في الاختبار
اختبارها كلوا كتابة ورسم ومسائل في الدوريات
في النهائي جابت مسائل ورسومات وكمان ضعي دائرة
بالنسبة للاب اخذتوا مع استاذة هند .. شرحها كان وسط كويس مو بطال
الاختبار كمان الصراحة مو صعب بس ما عجبني
بس هيا مرة طيبة وتراعي في الدرجات
الصراحة حاولت اكتب قد ما اقدر
واذا عندك اي استفسار اتفضلي اسالي